जनकपुरधाम । नेपाल लेक स्टार कार्यक्रममा प्रदेश नं. २ बाट भाग लिएका रविराज साहलाई छालाको आधारमा गरेको विभेदपूर्ण तरिकाले विजेता नबनाएको आरोप लगाइएको छ ।
मधेश ग्रामिण विकास परियोजनाद्वारा सोमवार आयोजित ‘रविराज सम्मान’ कार्यक्रममा सहभागी वक्ताहरुले मधेशी जनताप्रति केही पहाडे शासकहरुले गर्दै आएको विभेद यस पटक मधेशका प्रतिभावान गायक रविराज साहसँग पनि विभेदपूर्ण तरिकाले विजेता घोषणा नगरेको कुरा दोहोर्याएका छन् ।
परियोजनाका अध्यक्ष संजय कुमार साहको अध्यक्षतामा भएको सम्मान कार्यक्रममा प्रमुख अतिथि आर्थिक मामिला तथा विकास मन्त्री विजय कुमार यादवले मधेशी जनताप्रति विभेद आज मात्र भएको होइन, पूर्वकालदेखि नै हुँदै आएको छ । तर अब त्यो विभेदकारीलाई चिरेर मधेशी प्रतिभावानहरु अगाडि बढ्ने बताएका छन् ।
मन्त्री यादवले विभिन्न विद्यामा दक्षहरुका लागि प्रदेश सरकारले आफै रंगशाला, संगीत महाविद्यालय लगायतको स्थापना गर्न लक्ष्य लिएको बताएका छन् । उनले भने, ‘सुनलाई जति तताउँछ त्यतिकै चम्किन्छ । मधेशी प्रतिभावनप्रति जति विभेद गर्छन त्यतिकै निखार भएर देखाउनेछ ।’
सम्मान कार्यक्रममा गायक रविराज साहले आफ्नो गायनबाट उपस्थित दर्शकहरुलाई मनमुग्ध पारेका थिए । कार्यक्रममा प्रदेश साँसद रामअशिष यादव, जनकपुर उद्योग वाणिज्य संघका महासचिव जितेन्द्र कुमार महासेठ, पूर्व अध्यक्ष ई. प्रकाशचन्द्र साह, संघीय समाजवादी पार्टीका नेता विष्णुदेव साह, पत्रकार पुरान साह लगायतले मन्तव्य राखेका थिए ।कार्यक्रमको सञ्चालन पत्रकार ओम प्रसाद नेपालीले गरेका थिए ।
प्रदेश सरकारले चलाएको बेटी पढाउ-बेटी बचाउ अभियान प्रति अमेरिकी सरकारले चासो
