मनोज बनैता, लाहान । लाहान नगरपालिका भित्रको जिर्ण सडकको कारणले स्थानीय वासी सास्ती भोग्न बाध्य छन ।
दुई साता अगाडिको वर्षाले हिलाम्मे पारेको लाहान १ का सडकको पानी नसुक्दा स्थानीयले सास्ती भोग्नुपरेको हो । पुर्व पश्चिम राजमार्ग भन्दा करिब ५०० मिटर दक्षिण रहेको कृष्णाटोलको एउटा आफ्नै ब्यथा छ ।
नयाँबस्ती बसेको यस टोलमा हालसम्म कुनै बिकासका पुर्वाधारको छाट्काट देखिएको छैन । कैयौं पटक नगरपालिका लाई सडक बनाईदिन निवेदन दिएपनी नगरपालिका ले कुनै टेरपुछर नलगाएको स्थानीय बताउँछन् ।
नाम नखोल्ने शर्तमा कृष्णाटोलको एक नेकपा कै कार्यकर्ताका अनुसार नगरपालिका अधिकारी सङ्ग कुरा गर्दा यहाँ बसाइँसराइ नगरेकाहरुको बसाइँ रहेको र उनीहरु नगरको भोटर नहुनुको कारणले दुःख भोग्नु परेको हो ।
दिनहुँजसो गाडीहरू यस टोलको हिलाम्मे सडकमा फस्ने र स्थानियको सहयोगमा निकालिने गरिन्छ । मोटरसाइकल चालकहरुको पनि आफ्नै पीडा छ यहाँ । यस टोलका अधिकान्स वासीहरु शिक्षक पेशामा आबद्ध छन । बिहान विधालयको लागि मोटरसाइकल लिएर हिडदा जुत्ता फुकालेर हिलो छल्नुपर्ने बाध्यता छ । लाहान नगरको समृद्धिको सपना देख्ने जनप्रतिनिधि यस्ता समस्याबाट पन्छिन खोज्नु स्थानीयको लागी चिन्ताको विषय बनेको छ ।
नेपालमा कोरोना भाइरसको प्रभाव र यसबाट बाच्नको लागि चाल्नुपर्ने कदम 
दलितमाथि दानविय ब्यवहार कहिलेसम्म? – रामसुफल आजाद
