०५ बैशाख २०८१, बुधबार
17-04-2024 , Wed
×

मुस्कानको मुख ल्यायो मुस्कान : सांसद यादव

Logo
प्रकाशित बिहिबार, आश्विन ३०, २०७६

न्यूजमधेश समाचारदाता,काठमाडौं । एसिड पिडित मुस्कान खातुन बुधबार ४० दिनको पिडा भुल्दै मुस्कुराएकी छिन् । कारण थियो पर्सा क्षेत्र नम्बर १ का सांसद प्रदिप यादव पिडा दिएका पिडकलाई भइरहेको कारवाही बारे जानकारी गराउदाँ उनी एकछिन पिडाबाट राहत पाएको महशुस गरेको मुस्कानकी आमा सहनाज खातुनले बताए।

सांसद यादवले जिल्ला प्रहरी कार्यालय पर्साका प्रमुख सोमेन्द्र सिंह राठौरसंग सोमबार एसिड आक्रमण गर्ने पिडक माजिद आलम र सम्साद मियाँ माथि के कस्तो कारवाही भईरहेको बारे बुझ्नु भएको थियो । सोही कारवाही प्रकृया र कडा भन्दा कडा कारवाही लागी आफुले निर्देशन दिएको कुरा बताउँदा एसिड पिडित मुस्कान खातुनले केही राहत महशुस गरेको हो ।

खातुनका बुवा रसुल मियाँले आक्रमण गर्नेलाई मृत्युदण्डको सजाय माग गरेपनी नेपालको कानुनमा मृत्युदण्ड नरहेकाले जीवनभर कैद भुक्तानका लागी कार्वाही प्रकृया अगाडी बढाइएको बताउँदा बुवासंगै मुस्कान पनी केही राहत पाएको आमा सहनाजले बताउनुभयो।

एसिड बिक्रि गर्ने हार्डवेयर पसल संचालक मनिस मण्डलमाथि पनी कार्वाही प्रकृया अगाडी बढाएकोमा बुवा रसुल मियाँले सांसद यादवलाई धन्यवाद व्यक्त गर्नुभएको थियो ।

यता सांसद प्रदिप यादवले उपचारमा संलग्न कीर्तिपुर अस्पतालका चिकित्सक डा। सुरेन्द्र बस्नेतसंग मुस्कानको स्वास्थ्य अवस्थाका बारेमा बुझ्नु भएको थियो । चिकित्सक बस्नेतका अनुसार स्वास्थ्य अवस्थामा केही सुधार भएपनी कानको जालीमा धेरै असर गरेकाले थप पलास्टिक सर्जरी लगायतको शल्यक्रियाका लागी समय लाग्ने जानकारी गराउनु भएको थियो ।

स्वास्थ्यमा सुधार भइरहे पनि उनकी आमालाई भने छोरी पूर्णरुपमा निको हुन्छे कि हुन्न भन्ने चिन्ताले सताएको छ । सांसद यादवले चिकित्सकसंगसंगै आमा बुवासंग कुरा गर्दा छोरीको अवस्था हेरर उनिहरुको पुरै अकाश खसेको जस्तो महशुस गरिरहेको बताउनुभयो । कुराकानीको क्रममा आफुले बहिनि मुस्कानको लागी जस्तोसुकै लडाई लड्न तयार रहेको सांसद यादवले आश्वासन दिनु भएको थियो ।

एसिड आक्रमणबारे किर्तिपुर अस्पतालमै अनुसन्धानका लागी खटिएका प्रहरी नायब उपरिक्षक छेदिलाल कमातसँग पनि सांसद यादवले विस्तृत रुपमा बुझ्नु भएको छ । पिडकलाई कारवाहीका लागि मुख्य अधार रहेको किर्तिपुर अस्पतालको रिपोर्ट हालसम्म जिल्ला प्रहरी कार्यालय समक्ष आईनपुग्नुको कारण बारे समेत बुझ्नु भएको थियो । जवाफमा अस्पतालसंगको समन्वयमा रिपोर्ट संकलन हुने काम भईरहेको उहाँले जानकारी गराउनु भएको थियो ।

यसअघि समाजवादी पार्टीका सांसद प्रदीप यादवले भदौँ २९ गते सांसदको विशेष समयमा बौल्दै संविधानमा रहेको कानुन संशोधन गरेर एसिड आक्रमणका दोषीलाई फाँसीको सजाय दिनुपर्ने माग गर्नुभएको थियो ।

कमेन्ट गर्नुहोस्
सम्बन्धित

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]