न्यूजमधेश समाचारदाता,जनकपुरधाम। धनुषामा विद्यालय भवनको पर्खाल भत्किँदा च्यापिएर एक विद्यार्थीको मृत्यु र एक गम्भीर घाइते भएका छ्न।
धनुषाको जनकनन्दिनी गाउँपालिका वडा नं.४ स्थित रहेको के.एस.एस.बी उच्च मा.वि.खजुरीको बालाबिकास कक्षाको जीर्ण भवनको पर्खाल भत्किँदा च्यापिएर ७ वर्षीय सँसना सदाको ज्यान गएको हो ।
जनकनन्दिनी गाउँपालिका ४ बस्ने राजकुमार सदाकी छोरी चंच्लाको शरीरमाथि नै पर्खाल खस्दा उनको घटनास्थलमै मृत्यु भएको प्रधानाध्यापक रामकिशोर यादवले जानकारी दिएको छ । प्रधानाध्यापक यादवका अनुसार पर्खालले च्यापिएर गफुर साफीको छोरा ६ वर्षीय मोहम्मद समिर साफी गम्भीर घाइते भएको छ।
गम्भीर घाइते साफीलाई जनकपुर अञ्चल अस्पतालमा उपचार सम्भवन नभए पछि जनकपुरबाट थप उपचारको लागी विराटनगरको न्यूरो अस्पतालमा रेफर गरेको जिल्ला प्रहरी कार्यलय धनुषाले बताए ।
मृतक सदाको शव अहिले जनकपुर अञ्चलमा पोस्टमार्ट गर्नको राखेको छ।
