न्यूजमधेश समाचारदाता,जनकपुरधाम । प्रतिनिधि सभा सदस्य सांसद प्रमोद साहको रिहाईको माग गर्दै राजपा नेपाल धनुषाले गृहमन्त्री रामबहादुर थापा र संस्कृति ,पर्यटन तथा नागरिक उड्डयनमन्त्री योगेश भट्टराईको पुतला दहन गरेको छ।
यात्रुलाई सास्ती दिने हवाई कम्पनीलाई कारवाही गर्नुको साटो त्यसको विरुद्ध आवाज उठाएका सांसद साहलाई पक्राउ गरिएको भन्दै राजपा समर्थकहरुले बिहीबार जनकपुरमा मन्त्रीहरुको पुतला जलाएको छ।
उनीहरुले बुद्ध एयर र सरकारविरुद्ध चर्को नाराबाजी गरेका छन् ।जनकपुर विमानस्थलमा रहेको बुद्ध एयरको काउण्टरमा तोडफोड गरेको आरोपमा राजपाका सांसद साहको पक्राउको विरोधमा राजपा नेपालको आन्दोलनको कार्यक्रम अन्तर्गत भोलि शुक्रबार विरोध जुलुस प्रदर्शन गरने छ भने शनिबार कार्तिक २ गते धनुषा जिल्ला बन्दको गर्ने घोषण गरेको पार्टीका केन्द्रीय सदस्य संजय चौधरीले जानकारी गराएको छ।
नागरिकता विधेयक बिषयमा गठबन्धन बनाएर सहकार्य गर्न डा राउतद्वारा अन्य पार्टीसंग आग्रह
नेकपा पार्टीभित्रको समस्या समाधान गर्न नयाँ एकता गर्नुपर्छ ः नेता पौडेल
प्रेस मञ्च सिरहाको कार्यकारी अध्यक्षमा सिंह