०७ साउन २०८१, मंगलबार
23-07-2024 , Tue
×

मधेश आन्दोलनका सहिद परिवार र घाइतेहरुलाई मुख्यमन्त्री राउतले गरे अपमान

Logo
प्रकाशित शुक्रबार, कार्तिक ०१, २०७६

शैलेन्द्र क्रान्ति,जनकपुरधाम।प्रदेश २ का मुख्यमन्त्री लालबाबु राउतले मधेश आन्दोलनका घाइते तथा सहिद परिवराहरुलाई अपमान गरेका छन् । मधेश आन्दोलनकै जगमा मधेशवादी दलले जनमत पाएपछि अहिले मुख्यमन्त्री बनेका राउतले सहिद परिवार तथा घाइतेहरुलाई भेटन समय दिएर भेटन नदिइ अपमान गरेका हुन् ।

मधेश आन्दोलन र चुनावमा बाँडेको आश्वासन पुरा नगरेपछि पर्सा, बारा, सर्लाही र रौतहट जिल्लाका घाइते तथा सहिद परिवारहरु पूर्व सूचना दिएर बिहीबार दिउँसो १ बजे मुख्यमन्त्री राउतलाई ज्ञापन बुझाउन मुख्यमन्त्री कार्यालय जनकपुर आएका थिए । तर उनीहरुलाई मुख्यमन्त्रीले समय दिएनन् ।
ज्ञापन पत्र बुझाउन आउन लागेको थाहा हुँदाहुँदै पनि मुख्यमन्त्री राउत भने सिरहा जिल्लाको एक कार्यक्रममा सहभागि हुन गएर आफुहरुलाई नभेटी अपमान गरेको घाइते तथा सहिद परिवारहरुले गुनासो गरेका छन् ।

‘मुख्यमन्त्रीले हामी घाइते र सहिदपरिवारहरुको फोन उठाउन छोड्नु भएको छ । त्यहि भएर यो कुरा उहाँको पीए दीपक यादवलाई पटक पटक फोन गरेर हाम्री ज्ञापन पत्र बुझाउन आउँदैछौं भनेर जानकारी गराएँ । सयम दिनु भएको थियो ।’ मधेश आन्दोलनका घाइते पर्साका विजय यादव निराश हुँदै भने ‘ हामी यहाँ आइपुग्दा मुख्यमन्त्रीको अतोपतो छैन, उहाँको पीए दीपक यादवलाई फोन गर्दा समय छैन, अर्कै कार्यक्रममा हुनुहुन्छ । मुख्यमन्त्रीले फोन उठाइरहनु भएको छैन । मुख्यमन्त्रीले हामीलाई वेवास्ता र अपमान गर्नुभएको छ ।’

अर्का घाइते बारा कलैयाका मधेश आन्दोलन २०६३ का घाइते जितेन्द्र प्रसाद यादवले सहिद र घाइतेहरुके बलबुतामा सत्तामा पुगेपछि उनीहरुको रहनसहन, बोलीवचन सबै फेरिएको र अहिले उनीहरु सहिद परिवार र घाइतेहरुको मुख समेत हेर्न नचाहेको गुनासो गरे ।

त्यस्तै अर्का घाइते लालबाबु राउत कुर्मीले मधेश आन्दोलनमा सहादत भए सहिद परिवारलाई ५० लाख रुपैयाँ र घाइतेलाई उपचार तथा परिवारको व्यवस्थापनको घोषणा गर्नेहरु अहिले सत्तामा आएर सबै विर्सिएको दुखेसो पोखे । अहिले जागिरको नाममा प्रदेश सरकारले सहिद परिवारलाई पिउन, चपरासीको जागिर दिएर अपमान गरिरहेको र घाइतेहरुलाई उचित उपचार खर्च एवं व्यवस्थापन नगर्दा पीडामा बाँचिरहेको उनको गुनासो छ । मुख्यमन्त्रीलाई कुनै पनि सहिद परिवार तथा घाइतेले फोन गर्दा फोन समेत नउठाएको घाइते कुर्मीले अक्रोस पोखे ।

मुख्यमन्त्रीले समय दिएर ज्ञापन नबुझी बाहिर गएपछि घाइते तथा सहिद परिवारहरु निराश भएर घर फर्किएका छन् । उनीहरुले चाँडै आफुहरुको माग स््म्बोधन नभए मुख्यमन्त्री कार्यालयमै आएर अनशन बस्ने चेतावनी दिएका छन् ।

घाइते तथा सहिद परिवारहरुको ६ सुत्रिय माग

घाइते तथा सहिद परिवारहरुले आन्दोलनमा गरेको ५० लाख रुपैयाँ मागसहितको ६ सुत्रिय माग गरेको छ । सहिद परिवार र घाइतेहरुलाई जिल्लाको सदमुकाममा स्वीकृत बस्ती निर्माण गरी आवासको सेवा सुविधा प्रदान, छोराछोरीलाई उच्च शिक्षासम्मको लागि अनुदानको व्यवस्था, पिउच चपरासीको रोजगार दिएर अपमाति नगरी आजिवन पेन्सनको व्यवस्था, सहिदहरुको सडकमा शालिक निर्माण लगायतको ६ सुत्रिय माग गरेको हो ।साभार: टुडेपाटि

कमेन्ट गर्नुहोस्
सम्बन्धित

जनकपुरधाम ।मधेश प्रदेशका मुख्यमन्त्री सतिशकुमार सिँहले महोत्तरीको बर्दिवास नगरपालिकास्थित टुटेश्वरनाथ महादेव मन्दिरको पूर्वाधार विकास र प्रचारप्रसारबाट स्थानीय अर्थतन्त्र मजबुत बनाउन सकिने बताएका छन् । सोमबार बिहान साउनको पहिलो सोमबार टुटेश्वरनाथ महादेवको पूजाअर्चनापछि मुख्यमन्त्री सिँहले मन्दिरमा आन्तरिक पर्यटकको आगमन तीव्रताका साथ बढाउन सकिए स्थानीय अर्थतन्त्र मजबुत भएर त्यसक्षेत्रका बासिन्दाको जीविकोपार्जनमा सघाउ पुग्ने उल्लेख गरे । उनले […]

जनकपुरधाम, ७ साउन ।चार पटकका सांसद एवम् पूर्वमन्त्री रामचन्द्र रायको सर्लाहीस्थित चन्द्रनगर गाउँपालिका वडा नम्बर २ रतनपुरमा हत्या भएको छ । पूर्वमन्त्री यादव सर्लाही सदरमुकाम मलंगवामा बस्दैआएका थिए । गाउँमा मृत्युभोज सकाएर आइतबार रातिविश्रामका लागि पुगेका पूर्वमन्त्री यादवलाई जग्गासम्बन्धी विवाद सुल्झाउन आग्रह गर्न पुगेका अज्ञात तीनजना व्यक्तिले धारिलो हतियार प्रयोग गरेर उनको हत्या गरेको आशंका […]

जनकपुरधाम । मधेस प्रदेशका मुख्यमन्त्री सतिसकुमार सिंहले आइतबार मुख्यमन्त्रीको कार्यालयसहित ११ वटा मन्त्रालयको छड्के निरीक्षण गरेका छन् । प्रदेश सरकारको कार्यालयमा कर्मचारीहरूको लापरबाही बढेको गुनासो आएपछि मुख्यमन्त्री सिंहले बिहान मुख्यमन्त्रीको कार्यालयसहित ११ वटा मन्त्रालयको अनुगमन गरेका हुन् । निरीक्षण तथा अनुगमनको क्रममा मुख्यमन्त्री सिंहले अधिकांश कर्मचारीहरूमा धेरै लापरबाही रहेको पाइएको बताए । उनले कर्मचारीहरूमा खासगरी […]