मनोज बनैता, लहान, ३ कार्तिक । सिरहा भगवानपुर गाउँपालिका -४ स्थित दुई गोदाममा सिरहा प्रहरीले छापामारी गरी लाखौं मुल्य पर्ने अवैध समान बरामद गरेका छन ।
भारत बाट राजस्व छली अबैध रूपमा जम्मा गरि राखेको दुई गोदाम बाट करीब १३ लाख ३६ हजार ५५८ रुपैयाँको मालसामान प्रहरी ले बरामद गरेको हो ।
गोप्य सूचनाको आधारमा प्रहरीले दुई गोदाममा छापामारी गर्दा १३ लाख ३६ हजार ५५८ रुपैयाँ बराबरको लता कपडा, जुता, किराना सामान र भाडा वर्तन लगायतका मालसामान बरामद गरेको इलाका प्रहरी कार्यालय लहानका डीएसपी भेषराज रिजालले जनाएका छन । बरामद गरिएको माल सामान ठाडी भन्सार कार्यालयमा बुझाइएको ईलाका प्रहरी कार्यालय लहानले बताएका छन।
तस्करले अबैध रूपमा राजस्व छली भारतबाट सामान ल्याएर सीमा क्षेत्रमा भण्डारण गर्ने र पछि भन्सार छली नेपाली बजारमा पुर्याउने गरेको बताइन्छ। सीमा क्षेत्रमा पुगेर प्रहरीले तस्करको गोदाममा छापामारी गरेको यो पहिलो घटना हो।
