मनोज बनैता, सिरहा । गत हप्ता देखि लागू औषध कारोबारलाई लगाम लगाउने सिलसिलामा सिरहा गोलबजारका प्रहरीले गोलबजार न.पा १० मा करीब ८ हजार ५ सय अवैध गाँजाको बिरुवा फडानि गरेका छन ।
गोप्य सुचना पाए लगतै हरकतमा आएका ईलाका प्रहरी कार्यालय गोलबजारका टोलि ले न.पा १० मा अवैध रुपमा उब्जाएको करीब ८ हजार ५ सय गाँजा उखेलेर नष्ट गरेको जिल्ला प्रहरी कार्यालय सिरहाले जनाएको छ ।
सिरहाका एसपी उमा चतुर्वेदीका अनुसार गाँजा खेती, उत्पादन, खरिद बिक्री तथा ओसारपसार गर्नेलाई लागुऔषध नियन्त्रण ऐनअनुसार कारबाही गरिने छ ।
नेपालमा उब्जाएको गाजा भारतिय बजारमा महगो मुल्यमा बेच्ने गरिन्छ । श्रोत ले दावी गरे अनुसार भारतीय बजारमा प्रति किलो गाजाको मूल्य २० देखि २५ हजार पर्ने गर्छ । नेपाली बजार भन्दा भारतीय बजारमा लगभग दोब्बर मूल्य पाउने हुदा यहाँ गाजा ब्यवसायहरु वारि उब्जाएर पारी बेच्ने गर्छन ।
नेपाली बजारभन्दा भारतीय बजारमा यसको माग बढी हुने र आम्दानी पनि धेरै हुने हुँदा सीमा क्षेत्रमा भारतीय गाँजा व्यापारीहरुले खेती गर्न स्थानीयहरुलाई अगाडि नै गाजा रोप्न रकम दिने गरेको बताइन्छ।
