०४ बैशाख २०८१, मंगलबार
16-04-2024 , Tue
×

तलब नपाएको भन्दै शिक्षकहरुले गरे नगरपालिकामा तालाबन्दी

Logo
प्रकाशित आइतबार, कार्तिक ०३, २०७६

जनकपुरधाम । बिगत कयौं महिनादेखी तलब नपाएको भन्दै शिक्षकहरुले धनुषाको सबैला नगरपालिकामा तालाबन्दी गरेको छ।

पटक पटक तलब निकासाको मांग गर्दै आएका शिक्षकहरुले दिपावली समेत नजिक आइसकेपनि तलब पाउंदा आक्रोशित शिक्षकहरुले आइतवार सबैला नगरपालिकाको कार्यालयमा तालाबन्दी गरेका हुन ।

शिक्षकहरुले चाँड तिहारको बेलामा पनि नगरपालिकाले तलब दिन आनाकानी गरिरहेको भन्दै जिल्ला प्रशासन कार्यालयमा ज्ञापन पत्र समेत बुझाएका थिए । जिल्ला प्रसशान कार्यालय धनुषाले नगरपालिका प्रमुखलाई तत्काल तलब व्यवस्था गर्न निर्देशन दिएपनि हालसम्म उनीहरुलाई तलब उपलब्ध गराइएको छैन ।

गत ३÷४ दिनअघि नेपाल शिक्षक संघ, अखिल शिक्षक संगठन, नेपाल राष्ट्रिय शिक्षक संघ, एकीकृत अखिल शिक्षक संगठन र मधेशी शिक्षक फोरम लगायतका शैक्षिक संगठनहरुका प्रतिनिधिहरुले शिक्षकहरुलाई तीन दिनभित्र तलब उपलब्ध गराउन ज्ञापन पत्र बुझाउंदै आग्रह गरेपनि नगरपालिकाका मेयर विजय शंकर साहले बेवास्ता गरेका छन् ।
सो नगरपालिकामा रहेका ५ वटा मावि र ३७ वटा प्रावि सहितका करीब दुई÷अढाई शिक्षकहरु तलब खानबाट वंचित रहेका छन । तिनीहरुलाई साउनदेखि हालसम्मको तलब उपलब्ध गराइएको छैन । तलब उपलब्ध नगराएसम्म नगरपालिकामा तालाबन्दी जारी राख्ने चेतावनी शिक्षकहरुले दिएका छन ।

यता मेयर साहसंग सम्पर्क गर्दा पन्छिदै भने शिक्षकहरुको के कति तलब बांकी रहेको भन्ने बारे आफूलाई थाहा छैन, उपसचिव राजेन्द्र सहनी शिक्षा सम्बन्धमा सबै हेर्दै आएकोले उनलाई थाहा होला ।
लोकपुकारसँग कुरा गर्दै एक शिक्षकले तलबको लागि विद्यार्थीलाई पठन पाठनमा कुनै समस्या नहोस भने उद्देश्यले विद्यालय बन्द नगरी नगरपालिकामै तालाबन्दी गरेको भने ।

उनले तलब नपाएको कारण सबैले विजयादशमी पर्व मनायो तर आफू मनाउन पाएन अब दिपावली र छठ पर्व पनि नजिक आइसक्यो के गर्ने बाध्य भई नगरपालिकामै तालाबन्दी गर्नु परेको भन्दै दुखेसो पोखे ।

कमेन्ट गर्नुहोस्
सम्बन्धित
कतारमा ५५ नेपाली भोकभोकै

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]
मिथिला क्षेत्रमा श्रद्धापूर्वक चैती छठ मनाइँदै

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]
मधेसमा आज जुडशीतल पर्व मनाइँदै

जनकपुरधाम । तराई मधेशका जिल्ला तथा मिथिलाञ्चल क्षेत्रमा आज जुडशीतल पर्व मनाइँदै छ । यो पर्व शीतलताको प्रतिक हो । नव वर्षको शुभारम्भसँगै हरेक वर्ष वैशाख २ गते तराईरमधेश क्षेत्रमा जुड़शीतल मनाइन्छ । आज एकाबिहानै शीतल जल घरको ज्येष्ठ व्यक्ति तथा मान्यजनले आफूभन्दा सानोको टाउकोमा छर्केर आशीर्वाद दिने चलन छ । यो पर्वको उद्देश्य सूर्यको […]