मनोज बनैता, लाहान, ४ कार्तिक । सिरहालाई लागू औषध मुक्त गर्ने अभियानमा लागेका सिरहा प्रहरीका हवल्दार सहित दुई जना लागू औषध सेवनकै कारण फन्दामा परेका छन । प्रतिबन्धित लागुऔषध सेवन गरेका हवल्दारसहित २ जनालाई ईलाका प्रहरी कार्यालय कचनारीले पक्राउ गरेका छन ।
ईलाका प्रहरी कार्यालय लहानमा कार्यरत हवल्दार सुरेन्द्र राम र लहान नगरपालिका १९ का विरेन्द्र महतोको छोरा लगभग वर्ष २५ का रामशंकर महतो पक्राउ परेका हुन् । हवल्दार रामको दरबन्दी गुल्म २ जनकपुर गणमा रहेको सूचना आएको छ ।
प्राप्त सुचना अनुसार भारतको लोकहा बजारवाट लागुऔषध सेवन गरी सिमावर्ति क्षेत्र नर्गी चौकमा प्रहरी हवल्दार राम र साहले भारतबाट समान ल्याउनेसँग रकम माग्दा स्थानीयबीच विवाद भएको थियो । सोही क्रममा उनी दुवै जनालाई पक्राउ गरिएको कचनारी प्रहरीले जनाए ।
दुवै जनालाई प्रहरीले हिरासतमा लिएर कारबाही प्रक्रिया अगाडी बढाएको छ ।
