संजय साह,जनकपुरधाम।संघिय सरकारका भौतीक पुर्वाधार तथा यातायात मन्त्री रघुविर महासेठले नेकपा पार्टीलाई शक्तिशाली भएको देखेर विभिन्न प्रतिक्रियावादी शक्तिहरु विभिन्न षडयन्त्र गरिरहेको आरोप लगाएका छन् ।
धनुषाको मिथिला विहारी नगरपालिकाको सदरमुकाम तारापट्टी सिरसियामा आयोजित शुभकामना आदान प्रदान कार्यक्रमलाई सम्बोधन गर्दै मन्त्री महासेठले नेकपाको शतिm देखेर अतालिएकाहरु अध्यक्षद्वय केपि शर्मा ओली र प्रचण्ड बिच झगडा लगाउने काम भइरहेको बताएका छन् ।
मन्त्री महासेठले अझै पनि एमाले र नेकपा करण गरेर पार्टी विगार्ने काम भइरहेको प्रती आपती जनाएका छन् । कार्यक्रता र नेताहरुको भिडभाड देखिएको कार्यक्रमलाई सम्बोधन गर्दै नेकपाका अन्य नेताहरुले समेत पार्टीलाई तहसनहस पार्ने प्रतिक्रियावादीहरु संग सचेत रहन सवैलाई आग्रह गरेका थिए ।
नेकपाका धनुषा जिल्ला इनचार्ज श्रवण यादव बरबरियाले पटक पटक पार्टी बदलेर नौटङ्की गरि पार्टीको हितमा काम नगरेकाहरुलाई जनताले चिनिसकेको बताए । उनले जनयुद्व गरेर आएका समुहलाई व्यवस्थापन गर्दा गलत सोच भएकाहरुको टाउको दुखेको बताए ।
कार्यक्रममा नगरपालिका प्रमुख अनिल यादवका साथै नेकपाका सांसद एवम नेताहरु रामचन्द्र मण्डल, योगनारायण यादव, राजकिशोर यादव सहितकाले सम्बोधन गरेका थिए ।
