१२ आश्विन २०८०, शुक्रबार
29-09-2023 , Fri
×

देशमा तेस्रो शक्तिको रुपमा स्थापित हुन मधेशवादी पार्टीहरुलाई एक हुनु पर्छ: नेता महतो

Logo
प्रकाशित बुधबार, कार्तिक ०६, २०७६

जनकपुरधाम।राष्ट्रिय जनता पार्टी (राजपा) नेपाल अध्यक्ष मण्डलका सदस्य एवं धनुषा क्षेत्र नं. ३ का प्रतिनिधि सभा सदस्य राजेन्द्र महतोले देशमा तेस्रो शक्तिको रुपमा स्थापित हुन मधेशवादी पार्टीहरुलाई एक हुन जरुरी रहेको बताए।

बुधवार शुभकामना अदान प्रदान तथा संसदीय क्षेत्र सम्पर्क कार्यलय उदघाटन समारोह पछि संचारकर्मीसंग कुरा गर्दै नेता महतोले भने देशमा नेकपा र कांग्रेसपछि तेश्रो शक्तिको रुपमा खडा हुन मधेशमा रहेका सबै पार्टी र संघ संगठनलाई समायोजन भई एकीकृत हुनु पर्छ ।

तस्वीर : किशोर गुरु

उनले भने एकीकृत नभई अब कुनै विकल्प छैन।देशमा अहिले तेश्रो शक्तिको आवश्यकता छ त्यसका लागि मधेशमा पार्टीको नाममा दोकानदारी गरेर राजनीति गर्न सकिदैन । त्यसका लागि सबै अधिकारवादीलाई एकीकृत हुन जरुरी नै छ ।

समाजवादी पार्टीसँग एकता प्रक्रियाको कुरा धेरै अगाडिसम्म बढि सकेको चर्चा गर्दै उनले भने विभिन्न पटकको अनौपचारिक वार्तापछि दुवै पार्टीको नाम समायोजन हुने गरी पार्टीको नाम, छाप र भातृ संगठन लगायतका कुरामा सहमति भइसकेको छ, अब पार्टी अध्यक्षको जिम्मेवारी महन्थ ठाकुरलाई र समाजवादीलाई सरकारबाट बर्हिगमनको कुरामा बहस चलिरहेको छ ।

नेता महतोले भने समाजवादी पार्टी पनि सकारात्मक नै देखिएको छ । जहाँसम्म पार्टी नेतृत्वको कुरा छ उनीहरुको कात्तिक ३० गते बस्ने बैठकबाट केही निष्कर्ष निस्किनेछ ।पत्रकारहरुको जिज्ञासामा उनले भने पार्टी नेतृत्वमा छलफल भइरहेको छ तर अधिवेशन नभएसम्म कसैलाई औपचारिक जिम्मेवारी दिन सकिदैन भन्ने कुरामा तबसम्मका लागि केन्द्रदेखि प्रदेश, जिल्ला र स्थानीय स्तरसम्म तदर्थ कमिटी गठन गरेर अघि बढन सकिने पनि अघि बढाइएको छ ।

पार्टी नेतृत्वकर्तामा कुरा नमिलेपनि तदर्थ समिति गठन गरी समायोजनको कुरालाई अघि बढाइने कुरामा छलफल भइरहेको छ । जे भएपनि पार्टीको नाममा दोकानदारी गर्ने जस्ता प्रवृति अन्त्य गर्न जनताको मनोभावना र अधिकार प्राप्तिका लागि सबै अधिकारवादीलाई एक प्लेटफार्ममा आउनै पर्छ ।

उक्त कार्यक्रममा पार्टीका अर्का अध्यक्ष मण्डलका सदस्य शरत सिंह भण्डारी, प्रदेश २ का मुख्यमन्त्री लालबाबु राउत, प्रदेश सभामुख सरोज राय यादव, प्रदेश भौतिक पुर्वाधार विकास मन्त्री जितेन्द्र सोनल निति आयोगका उपाध्यक्ष भोगेन्द्र झा, प्रदेश सभा सदस्य परमेश्वर साह र जनकपुरधाम उपमहानगरपालिकाका मेयर लालकिशोर साह लगायतका राजपाका केन्द्रिय तथा स्थानीय नेता कार्यकर्ताहरुको उपस्थित रहेको थियो ।

कमेन्ट गर्नुहोस्
सम्बन्धित

काठमाडौं । लोकतान्त्रिक समाजवादी पार्टीका महासचिव जासर यादव विरुद्ध बैङ्किङ कसुरमा मुद्दा परेको छ । महासचिव यादव विरुद्ध कैलास महतो मुद्दा दर्ता गराएका हुन् । महतोले उनी विरुद्ध जिल्ला अदालत महोत्तरीमा मुद्दा दर्ता गराएका हुन् । उनी विरुद्ध ८ लाख रकम बराबरको बैङ्किङ कसुर गरेको आरोप लागेको छ। यादव विरुद्ध नै जिल्ला अदालत धनुषामा पनि […]

जनकपुरधाम ।लोकतान्त्रिक समाजवादी पार्टी(लोसपा)का महासचिव जासर यादवलाई पक्राउ गर्न अदालतले आदेश गरेका छ्न। जिल्ला अदालत महोत्तरीले जिल्लाको एकडारा गाउँपालिका -४ चकवा बस्ने जिबछ यादवको छोरा लोसपाका महासचिव जासर यादवलाई बैँकङ्ग कसुर बिगो मुद्दामा गत असार १५ गते अदालतले पक्राउ गर्न आदेश दिएका हुन।अदालतले गरेको आदेशपछि असार १९ गते महासचिव यादवलाई पक्राउ गर्न अदालत पत्र जारी […]

जनकपुरधाम ।स्वाधीन मधेश जन अभियानका संयोजक प्रा.कैलाश महतोले लोसपाका महासचिव जासर यादवमाथी मुद्दा हालेका छ्न। महोत्तरीको एकडारा गाउँपालिका -४ चकवा घर भइ हाल रौतहटमा बसोबास गर्दै आइरहेका लोकतान्त्रिक समाजवादी पार्टी(लोसपा)का महासचिव जासर यादव विरुद्ध अभियानका संयोजक महतोले बैङ्किङ कसुरमा मुद्दा दर्ता गराएका हुन। अभियानका संयोजक महतोले उनी विरुद्ध जिल्ला अदालत महोत्तरीमा मुद्दा दर्ता गराएको हो। अभियानका […]