राजबिराज । जिल्ला अदालत सप्तरीले डा सीके राउत नेतृत्वका तत्कालीन स्वतन्त्र मधेश गठबन्धनका चार जना कार्यकर्तालाई सफाइ दिएका छ्न ।
मंगलबार जिल्ला अदालतका न्यायाधीश जवाहरप्रसाद सिंहको इजलसले तत्कालीन स्वतन्त्र मधेश गठबन्धनका चार जना कार्यकर्तालाई सफाइ दिएका हुन ।
अदालतले गठबन्धनका सुशिल मण्डल, श्यामकुमार यादव, सरोजकुमार यादव र अविनाश पण्डितलाई सफाइ दिएको छ।उनीहरुलाई सप्तरी प्रहरीले तिलाठी कोइलाडीबाट गत २०७५ माघ ५ गते फ्री मधेस लेखिएको ब्यानर सहित पक्राउ गरेको थियो ।
विद्यालय जाने उमेरका बालबालिकाहरुलाई प्रलोभन देखाई पोस्टर टाँस्ने कार्यमा सहभागी गराएको आरोपमा पक्राउ गरेको थियो।उनीहरुविरुद्ध सप्तरी प्रहरीले “बालबालिका ऐन २०७५” अन्तर्गत “बालबालिका दुरुपयोग कसुर”मा कारवाही गरेको थियो।
