विकाश साह,जनकपुरधाम। जनकपुरधाम उपमहानगरपालिका वडा नं.४ स्थित रामजानकी टेक्निकल इन्स्टिच्यूट, मिथिला टेक्निकल एकेडमी र रामजानकी कोचिङ सेन्टरले संयूक्तरुपमा आफ्ना पूर्वविद्यार्थीहरुलाई स्वागत तथा सम्मान गरेको छ ।
विहीवार आयेजित स्वागत तथा सम्मान कार्यक्रममा मिथिला टेक्निकल एकेडमीको पहिलो ब्याचबाट हेल्थ असिस्टेन्ट उत्तिर्ण गरी नेपाल सरकारको जागिर प्राप्त गर्न सफल भएका ११ जना पूर्वविद्यार्थीलाई सम्मान गरिएको हो ।
सम्मानित हुनेहरुमा विमलराज विक्रम साह, विन्देश्वर साह, धर्मनाथ प्रसाद साह, गोविन साह, निक्की पाठक, निशु कर्ण,श्रुती कर्ण, रामनिवास यादव, संजय कुमार यादव (ए), रामकैलाश साह र संजय कुमार यादव (बी) रहेका छन् । कार्यक्रममा तीन वटै संस्थामा नयाँ भर्ना भएका १ सय २१ विद्यार्थीलाई प्रमुख अतिथि प्रा.डा. चन्द्रकिशोर सिंहले स्वागत समेत गरेका थिए ।
आयोजकको तर्फबाट बरिष्ठ शिक्षक रामबहादुर पण्डितको अध्यक्षतामा सम्पन्न भएको कार्यक्रममा मिथिला टेक्निकल एकेडमी तथा रामजानकी टेक्निकल इन्स्टिच्यूटका प्रिन्सिपल शैलेन्द्र साह, रामजानकी कोचिङ सेन्टरका प्रिन्सिपल गणेश कुमार साह, शिक्षक ओम चौधरी, श्रीचन्द्र साह, राजु दास लगायत शैक्षिक क्षेत्रमा आबद्ध विशिष्ट व्यक्तिहरुको उपस्थिती रहेको थियो ।
