राजविराज । दोश्रो मिथिला कप टि–ट्वान्टी क्रिकेट प्रतियोगिताको फाईनल खेलमा बजाज युथ क्रीकेट एकेडेमी (सप्तरी)ले उपाधी जितेको छ ।
रंजितपुर राईडर्सद्वारा आयोजित दोस्रो मिथिला कप टि–ट्वान्टी क्रिकेट प्रतियोगिताको उपाधी छिन्नमस्ता योंग ११ बरहीबिरपुरलाई हराउदै बजाज युथ क्रीकेट एकेडेमी (सप्तरी)ले कब्जा जमाएको छ ।
मबिव क्याम्पसको खेलमैदानमा संचालन भएको खेलमा बरहीबिरपुरलाई ७ बिकेटले पराजित गर्दै बजाज युथ क्रीकेट एकेडेमीले उपाधी माथी कब्जा जमाएको हो ।
बरहीबिरपुरले निर्धारित २० ओभरको खेलमा १ सय १६ रनको योगफल खडा गरेको थियो । जसमा बजाज युथले ७ विकेट्ले बिजय हासिल गर्दै उपाधी जितेको छ ।
प्रतियोगिता अन्तर्गत कुल १६ टिमहरुको सहभागीता रहेको थियो । प्रतियोगिताको बिजेता टिम बजाज युथ क्रीकेटले नगद रु ५१ हजार र उपबिजेता बरहीबिरपुरले नगद रु ३१ हजार सहित ट्रफी प्राप्त गरेको छ ।
