रुपन्देही । जिल्लाको लुम्बिनी सांस्कृतिक नगरपालिका वडा नं.१ स्थित खुनगाइमा जनमत पार्टीको शुभकामना अदान प्रदान कार्यक्रम सम्पन्न भएको छ।शुभ दिपावली तथा छठ पर्वको अवसरमा शुभकामना अदानप्रदान कार्यक्रमलाई सम्बोधन गर्दै जनमत पार्टीका केन्द्रिय सदस्य तथा रुपन्देही जिल्ला इन्चार्ज भोपेन्द्र प्रसाद यादवले मधेसी, आदिवासी जनजाति, दलित समुदायको अधिकारको लागि लड्ने अव जनमत पार्टी मात्र रहेको दाबी गरेका छ्न।उनले अधिकार सुनिश्चितताको लागि उत्पीडित समुदायहरुलाई एकजुट भएर जनमत पार्टीमा आउन आग्रह गरेका थिए।कार्यक्रममा पार्टीका जिल्ला नेता चन्द्रशेखर बर्मा ,युवा नेता संजय कुमार मिश्र,सागर बर्मा, ओम प्रकाश यादव , सुनिल यादव र बिकास प्रसाद लोधसहित शुभकामना मन्तव्य राखेको थियो ।त्यसैगरी शिवचरन केवाट, कृष्न कोहर , गोविन्द धवाल र धर्मेन्द्र लोध लगाइतका नेता तथा कार्यकर्ताहरुको उपस्थिति रहेको कार्यक्रम संचालक रामकेश गुप्ताले जानकारी दिए।गुप्ताका अनुसार शुभकामना अदानप्रदान कार्यक्रम शिव शंकर कुर्मीको अध्यक्षतामा सम्पन्न भएको छ।
