३० आषाढ २०८१, आइतबार
14-07-2024 , Sun
×

तिहारको लागि घर पोत्न माटो खन्ने क्रममा १ बालिकाको मृत्यु ,दुई घाइते

Logo
प्रकाशित आइतबार, कार्तिक १०, २०७६

राजबिराज । तिहारमा घर पोत्न माटो खन्ने क्रममा सप्तरीको कञ्चनरुप ११ गोरपारमा ढिस्कोले पुरिएर एक जना बालिकाको शुक्रबार मृत्यु भएको छ भने अर्का दुई जना बालिकासमेत घाइते भएका छन् ।

मृत्यु हुनेमा जिल्लाको कन्चनरुप नगरपालिका-११, गोरपार निवासी पवन सरदारकी छोरी १३ वर्षिया पुस्पाकुमारी सरदारको घटनास्थलमै मृत्यु भएको इलाका प्रहरी कार्यालय कन्चनपुरका डिएसपी मकेन्द्र मिश्रले बताए।

यसैगरी पुस्पाकुमारीसँगै गोरपारमा कमेरो माटो खन्दै गरेकी सोही ठाउँका लागु सरदारकी छोरी १५ वर्षिया मन्त्रिता सरदार गम्भीर घाइते भएकी छिन्। ढिस्कोले पुरिएर उनको देब्रे खुट्टा पूरै चुँडिएर घाइते छन् । घुँडामुनिको सवै भाग छुट्टिएको मिश्रले जानकारी दिए। घाइतेको विराटनगरस्थित नोवेल हस्पिटलमा उपचार भइरहेको छ।

सोही ठाउँका मनिलाल सरदारकि १७ वर्षीया छोरी सुस्मिता सरदारको समेत हार र खुट्टामा चोट लागेको प्रहरी उपरीक्षक मिश्रले बताए । सुस्मिता सरदारको कृति सामुदायिक स्वास्थ्योपचार केन्द्र रुपनगरमा उपचार भइरहेको बताए । अहिले उनको अवस्था सामान्य रहेको अस्पतालले जनाएको छ ।

घाइते मन्त्रिताको उपचारका लागि नोबेल हस्पिटल विराटनगर पठाइएको इलाका प्रहरी कार्यालय कञ्चनपुरले जनाएको छ । यस्तै सुस्मिता सरदारको कृति सामुदायिक स्वास्थ्योपचार केन्द्र रुपनगरमा उपचार भइरहेको र उनको अवस्था सामान्य रहेको अस्पतालले जनाएको छ ।

जिल्लाको कन्चनरुप नगरपालिका ११ भुवनपट्टीस्थित चुरे पहाडको वक्धुवा खोलामा माटो खन्न गएका बेला उनीहरुलाई ढिस्कोले पुरेको इलाका प्रहरी कार्यालय कन्चनपुरले जनाएको छ।

कमेन्ट गर्नुहोस्
सम्बन्धित

अमेरिका । अमेरिकी रिपब्लिकन पार्टीद्वारा पेन्सिल्भेनिआमा आयोजित र्‍यालीमा गोली प्रहार हुँदा रिपब्लिकन पार्टीका तर्फबाट राष्ट्रपतीय निर्वाचनका उम्मेदवार तथा भूतपूर्व अमेरिकी राष्ट्रपति डोनाल्ड ट्रम्प घाइते हुनुभएको छ । उहाँको कानबाट रगत आएको देखिएको छ । उहाँको हत्या गर्ने उद्देश्यले भएको ठानिएको उक्त घटनालगत्तै ट्रम्पलाई उक्त स्थानबाट बाहिर निकालिएको छ । उक्त घटनापछि ट्रम्पले आफ्नो दायाँ कानमा […]

काठमाडौँ । राष्ट्रपति रामचन्द्र पौडेलले सरकार गठनका लागि तोक्नुभएको समयसीमा सकिएपछि आज नयाँ प्रधानमन्त्री नियुक्ति गर्दै हुनुहुन्छ । संसद्को सबैभन्दा ठूलो दल नेपाली कांग्रेसको समर्थनमा प्रधानमन्त्रीमा दाबी गर्नुभएका नेपाल कम्युनिष्ट पार्टी (एमाले) का अध्यक्ष केपी शर्मा ओली अपराह्न ५ बजेपछि प्रधानमन्त्रीमा नियुक्त हुनुहुने भएको छ । राष्ट्रपतिको आह्वानअनुसार एमालेका अध्यक्ष ओलीले कांग्रेसको समर्थनमा प्रधानमन्त्रीका लागि […]

काठमाडौँ । बूढानीलण्ठ नगरपालिका– १२, कपन फैँकाकी नीरा कोइराला उमेरले ५१ वर्ष पुग्नुभयो । उहाँ ओखलढुङ्गाको रातमाटेमा जन्मिनुभएको हो । सानोमा उहाँले विद्यालय टेक्नै पाउनुभएन । “छोरी मान्छेको जात अरुको घर जाने हो किन पढ्नुपर्‍यो भन्ने चलन थियो”, उहाँले भन्नुभयो, “पढ्ने उमेर घाँसपात मेलापात गर्दैमा बित्यो । बिहेपछि छोराछोरी हुर्काउँदै ठिक्क भइयो ।” उहाँका चार […]