जनकपुरधाम। धनुषा जिल्लाको यदुकूहा,तिनकौरिया लगायत मधेसको विभिन्न जिल्लाभर तिहारका कारण यसबेला बजारमा चहल पहल पनि बढेको छ। सडक किनारामानै तिहार लक्षित विभिन्न सामग्रीको व्यापारमा उपभोक्ताको निक्कै भिड देखिन्छ।
नेपालीहरुको दोस्रो ठूलो पर्व तिहार भित्रिएसङै फूल र बत्तीको झिलिमिलीको पर्व भनिने तिहारमा दियोको प्रयोग महत्वपूर्ण मानिन्छ । यही कारण माटो तथा धातुका दियो, विद्युतीय बत्ती तथा अन्य बढी प्रकाश दिने विभिन्न प्रकारका सामग्रीको कारोबारसमेत बढेको ब्यपारीले जनाएको छ ।
दैनिक उपभोग्य बस्तु, कपडा लगायतका सामाग्रीको व्यापार खासै नबढेको व्यवासायीको भनाई छ। तिहारमा पूजाका लागि चाहिने सामाग्रीको व्यापार बढे पनि अन्य सामग्रीका लागि भने सिमावर्ती बजार जाने प्रचलनले स्थानीय बजार उक्सन नसकेको उनिहरुको अनुभव छ।
चाडपर्व तथा बिवाहका लागि कपडा किन्न भारतको जयनगर , दुहवी र हरिने जाने चलन बढेकाले स्थानीय व्यवसाय सुस्त भएको तयारी कपडा व्यवायी रहेका रामबाबु शर्माले बताए।केही वर्षयता विद्युतीय बत्तीको अधिक उपोग हुने गरेको भए पनि माटोका दियो अर्थात पालाप्रतिको मोह भने उच्च नै पाइन्छ।
