जनकपुरधाम । जनमत पार्टीका राष्ट्रिय अध्यक्ष एवम् वैज्ञानिक डा. सिके राउत विहिबार (भोली) धनुषाको बरमझिया आउने भएको छ ।
वैदेशिक रोजगारीको क्रममा सडक दुर्घटनामा परी मृत्यू भएका स्वराजी (डा. सिके राउत निकट समर्थक तथा कार्यकर्ता) बिनोद यादवको श्रद्धाञ्जली सभालाई सम्बोधन गर्न कार्तिक १४ गते बिहिबार धनुषाको बरमझिया आउन लागेको जनमत पार्टीका केन्द्रीय सदस्य एवम् गैर आवासीय मधेशी संघका अन्तराष्ट्रिय अध्यक्ष बसन्त कुशवाहाले जानकारी दिए ।
कुशवाहाका अनुसार गत असोज ११ गतेमै आयोजना गरिने भनिएको स्वराजी यादवको श्रद्धाञ्जली सभा बरमझियामा बर्षाका कारण स्थगित गरिएको थियो ।
गैर आवासीय मधेशी संघका सदस्य समेत रहेका यादवको सडक दुर्घटनामा सउदीको अल खर्जमा ४ जुलाई २०१९ मा उपचारको क्रममा मृत्यू भएको थियो । गणेशमान चारनाथ नगरपालिकाको बरझीया स्थित रहेको नहरचोक फुटबल ग्राउण्डमा विहिबार विहान ११ः३० बजे श्रद्धाञ्जली कार्यक्रमको आयोजना गरिएको जानकारी अध्यक्ष कुशवाहाले दिएका छन् ।
वैज्ञानिक समेत रहेका डा. सिके राउतको आगमनपछि भारी सँख्यामा उनका समर्थक तथा उनलाई सुन्नको लागि पनि सर्वसाधारणहरु आउने बताइएको छ ।
गैर आवासीय मधेशी संघका सँस्थापक अध्यक्ष समेत रहेका डा. राउतले सउदी अरबमा सडक दुर्घटनामा मृत्यू भएका बीनोद यादवको परिवारप्रति सहानुभूति तथा गैर आवासीय मधेशी संघको तर्फबाट यादवको परिवारलाई राहत सहयोगको कार्यक्रम समेत रहेको जनाइएको छ । उनको मृत्यू पश्चात त्यहाँ स्थित रहेको राजदुतावासबाट गैर आवासीय मधेशी संघको सहयोगमा शव नेपाल ल्याइएको थियो ।
