०९ आश्विन २०८०, मंगलबार
26-09-2023 , Tue
×

गैर आवासीय मधेशी संघ विभिन्न देशमा धुमधामको साथ मनाए छठ पर्व

Logo
प्रकाशित आइतबार, कार्तिक १७, २०७६

शिव कुमार पाल,दोहा कतार।विश्वको विभिन्न भागमा रहेका मधेशीहरुले मधेशको महान पर्व छठ धुमधामका साथ मनाएका छन। कतारको दोहामा २-३ नोभेम्बरको दिन होम साइड समुद्र तटमा र विश्वभरीमा मधेशीहरुले उत्साह पूर्वक छठ पर्व मनाएका छन ।

मधेशीहरुको छाता संगठन गैर आवासीय मधेशी संघले अमेरिका, कतार, साउदी, दुबईलगायतका देशहरुमा छठ पर्व मनाएको हो।

कतारमा भएको छठमा मधेशीहरुको उलेख्य रुपमा सहभागिता रहेको जानकारी कतारको वरिष्ठ उपाध्यक्ष शिव कुमार पालले जानकारी गराउनु भो। कतारको दोहामा विशेष कार्यक्रम गरी एनआरएमएले छठ मनाएको छ भने अमेरिकामा पनि विशेष समारोहको आयोजना गरिएको थियो।

गैर आवासीय मधेशी संघका प्रतिनिधि हरु सुरेंद्र नारायण यादव, बीरेन्द्र कुमार शाह, बद्री यादव, चन्द्रबीर यादव, सरोज प्रसाद शाह, शिव कुमार पाल, राम नंदन गुप्ता, संजय शाह, राम जनम शर्मा, जीतेन्द्र कुमार महतो र संघका अन्य प्रतिनिधि सदस्य हरुको सहभागिता रहेको थियो। त्यस्तै कतारमा रहेका अन्य मधेशी संघ संस्थाका प्रतिनिधि हरुको पनि भारी संख्यामा सहभागिता रहेको थियो।

त्यस्तै साउदीमा रहेका एनआरएमएका सदस्यहरुले पनि छठ मनाएका छन् भने दुबईमा पनि छठ मनाइएको छ। तेस्सै गरि विश्वभरी रहेका एनआरएमएका साखा स्पेन, कुवैत, भारत, सऊदी अरबिया, सायप्रस ,चीन, मलेशिया, स्वीडन, ओमान, दक्षिण कोरिया, ऑस्ट्रेलिया, संयुक्त अधिराज्य र सिंगापुरको सदस्यहरुले पनि छठ मनाएका छन।

न्यूजमधेशसँग कुराकानी गर्दै एनआएएमए अन्तर्राष्ट्रिय समितिका अध्यक्ष बसन्त कुशवाहाका अनुसार छठले मधेशका संस्कृतिलाई विश्वभरी जर्गेना गर्न तथा मधेशीहरुबीचको एकतालाई सुदृढ पार्न छठ पर्व आयोजना गरिएको थियो । जसअनुरुप कार्यक्रमहरु सफल भएकोमा कुशवाहाले खुशी व्यक्त गरे र उनले छठलाई प्रोत्साहन गरेकोमा सम्पूर्ण शाखा तथा सदस्यहरुलाई धन्यवाद ज्ञापनसमेत गरे।

छठ पर्वको अन्तिम दिन आज उदाउँदो सूर्यको पूजाआजा तथा अर्घ दिएर आफ्नो व्रत तोडेका छन्। उदाउँदो सूर्यलाई अर्घ दिएपछि छठ पर्व पनि समापन भएको छ।

कमेन्ट गर्नुहोस्
सम्बन्धित

बारा । बारा जिल्लामा नेपाल–भारत सिमानास्थित दशगजा क्षेत्रबाट हत्या गरिएको अवस्थामा एक पूर्वसशस्त्र प्रहरी जवानको शव भेटिएको प्रहरीले जनाएको छ । पचरौता नगरपालिका–१ पचरौता गाउँको दक्षिणतिर दशगजा क्षेत्रमा आइतबार मध्यराति साढे १२ बजेको समयमा धारिलो हतियार प्रहार गरी हत्या गरेर फालिएको अवस्थामा आज बिहानै स्थानीयवासीले ३४ वर्षीय अमरेशकुमार सिंहको शव देखेर प्रहरीलाई खबर गरेको थियो […]

सिरहा । नेपाल प्रहरीको नारा छ – मुस्कानसहितको सेवा । तर, व्यवहारमा भने यो लागू भएको पाइँदैन । अन्यायमा परेका नागरिक प्रहरीमा पुग्छन् । प्रहरीले भने ढाँडस दिएर र नम्र व्यवहार गरेर सेवाग्राहीलाई आत्मबल दिनुको साटो प्रहरीले रुखो व्यवहार गर्ने, थर्काउने अनि पीडितलाई झन् पीडित बनाउने गरेको पाइन्छ । सेवाग्राहीसँग यस्तै हर्कत गर्छन् जिल्ला प्रहरी […]

काठमाडौं । प्रतिनिधि सभामा ४ सीट रहेको मधेश केन्द्रित दल लोकतान्त्रिक समाजवादी पार्टीमा शीर्ष नेताहरुले पदाधिकारीमा आफ्नै परिवार र नातागोताहरुलाई भागवण्डा लगाएका छन् । सोमबार पुनगर्ठित केन्द्रीय समितिको वरिष्ठ उपाध्यक्षमा अध्यक्ष महन्थ ठाकुरका सम्धि उमाकान्त झा र उपाध्यक्षमा सम्धिनी इन्द्र झा मनोनीत भएका छन् । ठाकुरले एकमात्र छोरी मिनाक्षीलाई सदस्य बनाएका छन् । अध्यक्ष ठाकुरले […]