न्यूज मधेश,जनकपुरधाम। धनुषाको मिथिला नगरपालिकाको मेयर हरिनारायण महतोले पेट्रोल पम्प र हनुमान मन्दिर उदघाटन गरेका छ्न।
मिथिला नगरपालिका वडा नं.९ बरहरी बजारको उत्तर पट्टीको क्षेउमा रहेको जय बजरंग डिजल सेन्टर बुधबारदेखी सञ्चालनमा आएका हुन।भने सेन्टरको प्राङ्गणमै श्री हनुमान जीको मन्दिरमा मुर्ती स्थापित गरि आजै उदघाटन समेत गरेका हुन।
नगरपालिकाका नगरप्रमुख हरिनारायण महतोले मन्दिर र सेन्टरको उदघाटन गरेका छन् । नगरपालिका भित्र सडक विस्तारसंगै इन्धन विक्रेताहरुको समेत विकास र विस्तार भइरहेको भन्दै नगरप्रमुख महतोले विक्रेताहरुको सुरक्षा सहितको वातावरणका लागि प्रतिबद्ध रहेको बताए ।
मन्दिर र सेन्टर उदघाटनको अवसरमा हनुमान आराधना सहितको धार्मिक कार्यक्रमको समेत आयोजना गरिएको सेन्टरका सञ्चालक वेचन शर्माले जानकारी दिएको छ ।
