न्यूज मधेश,सिरहा। आगलागी मुद्दामा फरार रहेका एक अभियुक्तलाई प्रहरीले पक्राउ गरेको छ । पक्राउ पर्नेमा सिरहाको मिर्चैया नगरपालिका वडा नं. ७ का २३ वर्षीय ऋषिकेश साह रहेका छन् ।
साहले आगोलगाएको अभियोगमा सम्मानित जिल्ला अदालत सिरहाले उक्त मुद्दा फैसला भई ६ महिना कैद सजाय तोकेको थियो ।
ईलाका प्रहरी कार्यलय मिर्चैयाबाट गस्तीमा खटेको टोलिले आगलागी मुद्दामा फरार अभियुक्त साहले आफ्नै घरमा लुकिछिपी बसेको अवस्थामा फेला पारी पक्राउ गरीएको प्रहरीले जानकारी दिए ।
उनलाई आज बिहिवार नै सम्मानित जिल्ला अदालत सिरहामा बुझाईएको प्रहरीले बताए ।
