०४ बैशाख २०८१, मंगलबार
16-04-2024 , Tue
×

सहिद सुर्यनाथ रान स्मृति अस्पताल ५० शैया बनाउने प्रक्रिया अगाडि बढेको : नेता अरगरिया

Logo
प्रकाशित आइतबार, कार्तिक २४, २०७६

न्यूज मधेश,जनकपुरधाम । धनुषाको शहिदनगर नगरपालिका ८ स्थित डुमरियामा भवन निर्माण भएर पनि संचालनमा नआएको सहिद सुर्यनाथ रान स्मृति अस्पताल ५० शैयाको बनाउने प्रक्रिया अगाडी बढेको छ ।

अस्पतालको भवन निर्माणका बेला जिल्ला स्तरीय अस्पताल संचालन हुने भनिएको थियो । तर पछि मन्त्रीपरिषदको बैठकबाट प्राथमिक स्वास्थ्य केन्द्र संचालन गरिने निर्णय भयो । जसका कारण लामो समयदेखि अस्पताल विवादमा परेको छ । अस्पताल संचालनमा नआएपछि स्थानीय र जग्गादाता दुःखी बनेका छन् ।

विगत केहि दिनदेखि स्थानीयले अस्पताल संचालनका लागि धर्ना समेत बसे । शनिवार धर्नामा बसेकाहरुले राखेको सर्वपक्षीय भेलामा सो क्षेत्रबाट निर्वाचित संघीय साँसद उमाशंकर अरगरियाले संघीय सरकारले प्राथमिक स्वास्थ्य केन्द्र संचालन गर्ने निर्णय गरेपछि आफूले रोकेको बताए । उनले अस्पताल उद्घाटनका लागि नेकपा नेता गिरिराजमणी पोखरेल आउन लागेपछि कालोमोसो दल्ने चेतावनी दिएपछि उनी ब्याक भएको बताए ।

साँसद अरगरियाले उपप्रधान एवं स्वास्थ्य तथा जनसंख्या मन्त्री र आफू विदेशमा रहेका बेला ओली नेतृत्वको सरकारले षड्यन्त्र पूर्वक निर्णय गरेको आरोप समेत लगाए । उनले भने, ‘अहिले १५ शैयाको प्राथमिक स्वास्थय केन्द्र संचालन गर्ने भनिएको छ । तर त्यसो हुन दिदैनौं । ५० शैयाको अस्पताल संचालनका लागि प्रदेश सरकारमा निवेदन दिएका छौं । केहि कारणले ५० शैया बन्न नसके २५ शैयाको अस्पताल संचालन गराएरै छाड्छौं ।’

प्रदेश सरकारमा निवेदन दर्ता गराएको र नगरपालिकाबाट सिफारिस लिनुपर्ने भन्दै सबै प्रक्रिया पुर्याएर निर्णय गराउने पनि अरगरियाले बताए । उनले अस्पतालको कागजात देखाउँदै भने, ‘अस्पताल संचालनमा को दोषी भन्ने कुरा छाडेर सबै एकजुट भएर अगाडी बढ्नुपर्छ ।’

उनले भवन बनेर पनि लामो समयसम्म संचालनमा नआउँदा आफू समेत दुःखी बनेको बताए । उनले आवश्यक पहल गरिरहेको र नभए प्रदेश सरकार घेराउ गर्नुपरे आफु नै अगाडी बढ्ने विश्वास समेत दिलाए ।

साँसद अरगरियाले अस्पताल ५० शैय्याको बनाउने प्रक्रिया अगाडी बढाएपछि स्थानीय नेकपालाई ठूलो झट्का लागेको छ । शहिदनगर नगरपालिकाका मेयर उदय बरबरियाले नै अस्पताल संचालन हुन नदिने गरेको स्थानीयको आरोप छ ।

कमेन्ट गर्नुहोस्
सम्बन्धित

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]