न्यूज मधेश,पर्सा।वीरगंजस्थित ब्रहमकुमारी राजयोग सेवा केन्द्रले आइतबारदेखी तिनदीने तनावमुक्त प्रशिक्षण कार्यक्रम सुरु गरेको छ ।
सुखी तथा खुशियाली जीवनका लागी तनावमुक्त जीवन आवश्य रहेको सांसद प्रदिप यादवले बताउनु भएको छ ।
कार्यक्रमको प्रमुख अतिथि समेत रहुनु भएका सांसद यादवले तालिमको उदघाटन गर्दै तनावमुक्त खुशियाली जीवन भएमात्र राष्ट्र समृद्धि हुने उहाँले बताउनु भयो ।
विभिन्न शक्तिसाली देशका व्यक्तिहरु अध्यात्मबाट आएर मात्र देशलाई अगाडी बढाउन सकेका उदाहरण दिदैँ उहाँले अध्यात्मले सन्तुष्टि एवंम् समृद्धि तर्फ उन्मुख गराउन सफल हुने बताउनु भएको थियो ।
मानिस जबसम्म तनावमुक्त खुशियाली हुन सक्दैनन् तबसम्म उनको परिवार, समुदाय वा राष्ट्रलाई समृद्धि दिन नसक्ने उहाँको भनाई थियो ।
छिमेकी देश उत्तर प्रदेश पनी जंगली राज्य थियो तर अहिले त्यहाँका मुख्यमन्त्री योगीले प्रदेशलाई अध्यात्मक मार्फत अपराध मुक्त समृद्ध प्रदेश बनाउन सफल भएको सांसद यादवले उदाहरण प्रस्तुत गर्नु भएको थियो ।
