धनुषाको सघारामा १२ लाख बराबरको सुनचाँदी चोरी

न्यूज मधेश,जनकपुरधाम। धनुषाको कमला नगरपालिका वडा नम्बर.४ सघाराचोकमा रहेको ॐ ज्वेलर्समा चोरी भएको छ ।

ज्वेलर्सका प्रोपराइटर कमला नगरपालिका २ का सुखराम साहले १२ लाखको सुनचाँदी चोरी भएको बताए । उनका अनुसार गएराति सटर फोडेर ज्वेलर्सबाट सुनचाँदीका सबै गरगहना चोरी भएको हो ।

घरबाट करिब ११ बजे पसल पुगेपछि चोरी भएको थाहा पाएको थियो । राति पुर्णिमा मेलाको सो चैकमा भिडभाड रहेकै मौकामा चोरले सुनचाँदी चोरी गरेर लगेको छ ।