प्रतिमा कुमाल,चितवन।देवज्योती निम्न माध्यमिक विद्यालय व्यवस्थापक समितिका अध्यक्ष विष्णु कुमार शर्माले देवज्योतीलाई दलीत समुदायको विद्यालय हो भन्दा फरक नपर्ने बताउनु भएको छ ।
भरतपुर महानगरपालिका ६ देवनगरमा रहेको यस विद्यालयमा १ सय ८० विध्यार्थी रहेकोमा एक जनामात्र ब्राहमण परिवारका रहेका छन् । जो सोही विद्यालयका अंग्रेजी विषयका शिक्षक गोविन्द न्यौपानेका छोरा रहेको अध्यक्ष शर्माले बताउनु भयो । ६० प्रतिशत ब्राहमण समुदाय रहेको सो क्षेत्रमा ४० प्रतिशत दलीत समुदायका व्यक्तिहरुको बसोबास रहेको छ ।
समाज आधुनिकिकरण तर्फ अगाडि बढेपनि देवनगरमा जातीय समस्या भने अझै रहेको देखिएको छ । जातीय कारणले नै गर्दा अनन्य समुदायका बालबालिका विद्यालयमा भर्ना हुँन नआएको भान भएको देवज्योतीका प्रधानाध्यापक हेमराज शर्माले बताउनु भयो । ३ कक्षा सम्म अंगे्रजी माध्यमबाट अध्ययन हुँने यस विधालयमा ९ जना सरकारी दरबन्दी र ४ जना निजि स्रोतका शिक्षकहरु रहेका छन् । २०१७ सालमा स्थापना भएको यो विद्यालयमा ८ कक्षा सम्म पठ्नपाठन हुँने गरेको छ । विद्यार्थी पठ्नपाठ्नमा अब्बल भएपनि धेरै जस्तो अभिभावक विद्यार्थीको भविष्य प्रति गैरजिम्मेवार भएको विद्यालयको गुनासो छ ।
वर्षेनि भर्नाका लागि घरदैलो कार्यक्रम गरेपनि विद्यालयमा विद्यार्थी संख्या भने समस्याको रुपमा रहेको छ ।
विद्यार्थी संख्यामा जातीय प्रभाव परेसंगै नीजि स्रोतका शिक्षकलाई योज्ञता अनुसारको पारिश्रमिक दिन पनि विद्यालयलाई धउधउ परेको छ । २ विगाहा १५ कट्ठा जमिनमा रहेको यो विद्यालयको आम्दानिको स्रोत भने खासै केही छैन । वर्षमा केही जमिन ठ्ेक्का दिदा ४० हजार आम्दानि हुँने गरेकोे छ । विद्यालयको समस्या वडा भेलामा बारमबार राखेपनि सोचे जस्तो सहयोग नभएको विद्यालयको गुनासो छ । कुनै समय सरसफाईमा जिल्लाको प्रथम भएको दिवज्योतीका भुपु विद्यार्थीहरु पनि विद्यालय प्रति उत्तरदायी नदेखिएको व्यवस्थापक अध्यक्ष शार्माको भनाई थियो ।
