३० आषाढ २०८१, आइतबार
14-07-2024 , Sun
×

आमाको नामबाट नागरिकता लिन समस्या

Logo
प्रकाशित बिहिबार, कार्तिक २८, २०७६

न्यूज मधेश,महोत्तरी।जलेश्वर नगरपालिका वडा.४ निवासी २० वर्षीय रवि पासवान नेपाली नागरिक हुन् । तर, उनले नेपाली नागरिकता पाउन सकेका छैनन् । नेपालमै जन्मे हुर्केका उनले नेपालमै दश कक्षासम्म पढेका छन् । नागरिकता नबन्दा त्यसमाथि बढ्न मन नलागेको उनको भनाइ छ । नेपालमा रोजगारी नपाएपछि हाल उनी भारतको दिल्लीमा मजदुरी गरेर बसेका छन् ।

रविकी आमासँग नेपालकै वंशज नागरिकता छ । तर, उनका बुबा भने भारतीय नागरिक हुन् । बुबा भारतीय नागरिक भएकाले रविलाई वंशजको नागरिकता दिन नमिल्ने स्थानीय प्रशासनले जनाएको छ ।

जिल्ला प्रशासन कार्यालयले भारतीय नागरिकका सन्तानलाई नागरिकता दिन नमिल्ने बताएपछि उनीहरू निराश छन् । नेपालमै जन्मे हुर्केर पनि नेपाली नागरिकता नपाउने रवि मात्र एक्ला होइनन् । महोत्तरीमा करिब दुई सय यस्ता युवा छन्, जो आमाको नामबाट नागरिकता लिन जिल्ला प्रशासन कार्यालयमा भौतारिइरहेका छन् ।

महोत्तरीका प्रमुख जिल्ला अधिकारी सूर्यबहादुर खत्री रवि पासवानजस्ता आमा नेपाली र बुबा भारतीय हुनेलाई जिल्ला प्रशासन कार्यालयले नागरिकता दिन नसक्ने बताउँछन् ।- नयाँ पत्रीका

कमेन्ट गर्नुहोस्
सम्बन्धित

अमेरिका । अमेरिकी रिपब्लिकन पार्टीद्वारा पेन्सिल्भेनिआमा आयोजित र्‍यालीमा गोली प्रहार हुँदा रिपब्लिकन पार्टीका तर्फबाट राष्ट्रपतीय निर्वाचनका उम्मेदवार तथा भूतपूर्व अमेरिकी राष्ट्रपति डोनाल्ड ट्रम्प घाइते हुनुभएको छ । उहाँको कानबाट रगत आएको देखिएको छ । उहाँको हत्या गर्ने उद्देश्यले भएको ठानिएको उक्त घटनालगत्तै ट्रम्पलाई उक्त स्थानबाट बाहिर निकालिएको छ । उक्त घटनापछि ट्रम्पले आफ्नो दायाँ कानमा […]

काठमाडौँ । राष्ट्रपति रामचन्द्र पौडेलले सरकार गठनका लागि तोक्नुभएको समयसीमा सकिएपछि आज नयाँ प्रधानमन्त्री नियुक्ति गर्दै हुनुहुन्छ । संसद्को सबैभन्दा ठूलो दल नेपाली कांग्रेसको समर्थनमा प्रधानमन्त्रीमा दाबी गर्नुभएका नेपाल कम्युनिष्ट पार्टी (एमाले) का अध्यक्ष केपी शर्मा ओली अपराह्न ५ बजेपछि प्रधानमन्त्रीमा नियुक्त हुनुहुने भएको छ । राष्ट्रपतिको आह्वानअनुसार एमालेका अध्यक्ष ओलीले कांग्रेसको समर्थनमा प्रधानमन्त्रीका लागि […]

काठमाडौँ । बूढानीलण्ठ नगरपालिका– १२, कपन फैँकाकी नीरा कोइराला उमेरले ५१ वर्ष पुग्नुभयो । उहाँ ओखलढुङ्गाको रातमाटेमा जन्मिनुभएको हो । सानोमा उहाँले विद्यालय टेक्नै पाउनुभएन । “छोरी मान्छेको जात अरुको घर जाने हो किन पढ्नुपर्‍यो भन्ने चलन थियो”, उहाँले भन्नुभयो, “पढ्ने उमेर घाँसपात मेलापात गर्दैमा बित्यो । बिहेपछि छोराछोरी हुर्काउँदै ठिक्क भइयो ।” उहाँका चार […]