०४ बैशाख २०८१, मंगलबार
16-04-2024 , Tue
×

प्रदेश २ का कार्यबाहक मुख्यमन्त्री बने जितेन्द्र सोनल

Logo
प्रकाशित शुक्रबार, कार्तिक २९, २०७६

शैलेन्द्र क्रान्ति,जनकपुरधाम।प्रदेश २ का कार्यबाहक मुख्यमन्त्री भौतिक पूर्वाधार विकास मन्त्री जितेन्द्र सोनल बनेका छन् । मुख्यमन्त्री लालबाबु राउतले सोनललाई फोन गरेर कार्यबाहक मुख्यमन्त्रीको जिम्मेबारी दिएका हुन् ।

बुधबार एन्टाको कार्यक्रममा सहभागि हुन अमेरिका उड्नु अघि मुख्यमन्त्री राउतले मन्त्री सोनलालाई कार्यबाहको जिम्मेबारी दिएको प्रदेश २ का प्रमुख सचिव दीपक सुवेदीले जानकारी दिए ।

‘बरिष्ठताको हिँसाबले मुख्यमन्त्री बाहिर गएको बेला अटोमेटिक उहाँपछिको मन्त्री कार्यबाहक मुख्यमन्त्री हुने प्रावधान छ’ प्रमुख सचिव सुवेदीले भने ‘बरिष्ठतामा पनि मुख्यमन्त्रीपछि मन्त्री सोनल पर्नुहुन्छ र उहाँलाई मुख्यमन्त्रीजीले फोन गरेर पनि कार्यबाहकको जिम्मेबारी दिनुभएको छ’

राजपा नेपालबाट मन्त्री बनेका सोनल बरियता क्रममा मुख्यमन्त्री पछिको दोश्रोमा पर्छन् ।

‘मुख्यमन्त्री अमेरिका उड्नु अघि मलाई फोन गरेर भन्नुभयो । “म अमेरिका जाँदै छु । हेर बिचार गरदिनु होला” । मौखिक मान्य हुन्छ की हुँदैन, मलाई थाहा छैन । तर फोन गरेर भन्नुभएको छ ।’ मन्त्री सोनलले भने ।

मुख्यमन्त्री बनेपछि राउत पहिलो पटक विदेश भ्रमणमा गएका हुन् । उनीसंगै प्रदेश २ का मुख्य न्यायधीवक्ता दीपेन्द्र झा पनि अमेरिका गएका छन् ।

मुख्यमन्त्री राउत अमेरीकामा एसोसिएट अफ नेपाली तराईयन इन अमेरिका(एन्टा)को साधारणसभामा भाग लिने छन् । एन्टा अमेरिकामा बस्ने मधेसी मूलको नागरिकहरुको संस्था हो । एन्टाको कार्यक्रममा गएका मुख्यमन्त्री राउत मंसिर ४ गते स्वदेश फर्कने कार्यक्रम रहेको मुख्यमन्त्री कार्यालयले जनाएको छ ।

कमेन्ट गर्नुहोस्
सम्बन्धित

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]