न्यूज मधेश,राजविराज।सप्तरीको तिलाठी कोईलाडी गाउँपालिकामा सार्वजनिक सुनुवाई कार्यक्रम बिहिवार समपन्न गरिएको छ ।
गाउँपालिका प्रमुख सतिश कुमार सिंहको प्रमुख आतिथ्य तथा वडा नम्बर ३ को अध्यक्ष मनोज चौधरीको अध्यक्षतामा वडा नम्बर ३ रामजानकि हटिया स्थित कार्यक्रम आयोजना गरिएको हो ।
विभिन्न वडामा सञ्चालित विकासिय योजनाहरु सम्पन्न भएको वडा अध्यक्षहरुले जानकारी दिए ।
कार्यक्रममा सहभागी भएको स्थानियवासिहरुले विभिन्न कार्यप्रति प्रशंसा गरेको थिए भने केहिले गुनासो पनि गरे । कार्यक्रममा सहभागी घुरनी देवी, जिवछलाल मण्डललगायतले खाँडो र जिता नदिमा झोलुङ्गे पुल निर्माण गर्न आग्रह गरे ।
यसै गरी वडा नम्बर २ लौनियाँमा कृषी सडक निर्माण गर्नका लागी हरिदेव खंगले समेत आग्र्रह गरेका थिए । उग्रकान्त झा, दुखन खंग, हनुमान मुखिया, रामचन्द्र ठाकुर, ननुलाल मण्डल, सुनिता साह, उमेश राय, रविराज रजक, दामोदर मुखियासमेतका व्यक्तिहरुले कृषि, सडक, बिजुली, शिक्षा, स्वास्थ्य, बाढीलगायतका समस्याप्रति जनप्रतिनिधिहरुलाई ध्यानार्षण गराए । विभिन्न समस्याहरु प्रति आफु पहल गरिरहेको गाउँपालिका प्रमुख सतिश कुमार सिंहले बताए ।
उनले तिन पाङग्रे गाडी अावत जावत गर्न सक्ने झोलुङ्गे पुल खाँडो नदिमा चाँडै निर्माण गर्ने प्रतिबद्धता समेत जनाए । गाउँपालिकामा भ्रष्टाचार भएको अफवाहमा नलाग्न अध्यक्ष सिंहले बताए । वडा नम्बर २ का अध्यक्ष खगेन्द्र मण्डल, वडा नम्बर ५ का निमित्त अध्यक्ष सुर्यनरायण रजक, वडा नम्बर ७ का अध्यक्ष दिनेश सिंह, वडा नम्बर ४ का अध्यक्ष गाेपी मण्डल, बाेर्ड सदस्य दामोदर मुखियालगायतले एकजुट भएर विकासिय काममा अगाडि बढनु पर्ने बताए ।
