न्यूज मधेश,राजबिराज। उप निर्वाचनलाई लक्षित गरी सप्तरीको छिन्नमस्ता गाउँपालिका तथा बिष्णुपुर गाउँपालिका ७ क्षेत्र भित्र मदिरा निषेध गरिने भएको छ ।
बुधबार राती ८ बजे देखि आइतबार सम्म मदिरा निषेध गरेको जिल्ला प्रशासन कार्यालयले जनाएको छ । मंसिर १४ गते हुने उप निर्वाचनको सुरक्षालाई मध्यनजर गर्दै छिन्नमस्ता गाउँपालिकाको सम्पुर्ण वडा तथा बिष्णुपुर गाउँपालिका ७ क्षेत्र भित्र मदिरा निषेधित क्षेत्र घोषणा गरिएको छ ।
मंसिर ११ गतेदेखि मंसिर १५ गतेसम्म उक्त क्षेत्रलाई मदिरा निषेधित क्षेत्र घोषणा गरिएको हो ।मदिराका कारण चुनावी सुरक्षा प्रभावित हुने भएकाले मादक प्रदार्थ बिक्री,बितरण ,उत्पादन तथा सेवनमा रोक लगाउने निर्णय गरेको स्थानीय प्रशासनले जनाएको छ ।
मदिराको कारोबार कसैले गरेको पाएमा प्रचलित कानुन बमोजिम कार्वाही गरिने जनाएको छ ।
