न्यूज मधेश,महोत्तरी।महोत्तरीको पिपरा गाउँपालिकाको अध्यक्ष पदमा नेकपाका उम्मेदवार विक्रम चौधरी निर्वा्चित भएका छन् ।
उनले ३ हजार २ सय ४९ मत ल्याएर जित हात पारेका हुन् ।मतगणना हुंदा निकै नै रोमाञ्चक रहेको उक्त क्षेत्रमा केहि समय राजपा नै अगाडी देखिएको थियो तर अन्तिम मतगणना सम्म हुंदा दोस्रो रहेको नेकपा प्रथम र लिडिगं लिइरहेका राजपा तेस्रो स्थानमा झरेका थिए ।
चौधरी यसअघि भएको निर्वाचनमा विजयी राजपा उम्मेदवारका निकटतम प्रतिद्वन्द्वी थिए ।चौधरीका निकटम प्रतिद्वन्द्वी समाजवादी पार्टीका रामजानकी यादवले ३ हजार ४१ मत ल्याए ।राजपाकी रविता कुमारीले २ हजार ९ सय ८४ मत पाइन् ।यसअघि राजपाका विनोदकुमार चौधरी निर्वा्चित भएका थिए।
उनको निधन भएपछि भएको उपनिर्वाचनमा राजपाले उनकै पत्नी रवितालाई उम्मेदवार बनाएको थियो ।यता समाजवादी र राजपा मिल्न नसक्दा सो क्षेत्रबाट राजपाले आफनो जनमत गुमाएको आकलन गरिएको छ।
