न्यूज मधेश,महेन्द्रनगर।धनुषाको महेन्द्रनगरबाट ट्राफिक प्रहरी सहायक निरिक्षक नविन कुमार झा १ हजार घुस सहित पक्राउ परेको छ ।
झालाई अख्तियारको बर्दिवासस्थित कार्यालयले १ हजार घुस सहित रंगेहात महेन्द्रनगर सखुवाचौकस्थित ट्राफिक विटबाट डिउटीमै रहेको बेला सोमबार साढे ४ बजे पक्राउ गरेको जनाएको छ ।
गाडी चालकहरुसँग घुस लिरहेको गोप्य सूचनाको आधारमा ट्राफिक प्रहरी सहायक निरिक्षक झालाई पक्राउ गरिएको अख्तियारको बर्दिवासस्थित कार्यालयका शाखा अधिकृत हिरालाल भोलनले जानकारी दिएका छन् । झा महेन्द्रनगर ईलाका प्रहरी कार्यालयमा कार्यरत थिए ।
