०३ बैशाख २०८१, सोमबार
15-04-2024 , Mon
×

बलात्कार प्रयासको आरोपमा पत्रकार पक्राउ, स्थानीय नेता मिलाउने प्रयासमा

Logo
प्रकाशित बुधबार, मंसिर १८, २०७६

न्युज मधेस डेस्क
जनकपुरधाम,१८ मंसिर ।अर्घाखाँची घर भई गुल्मी बस्दै आएका एक पत्रकार बलात्कार प्रयासको आरोपमा पक्राउ परेका छन्।

पत्रकार शिव सुवेदीलाई जिल्ला प्रहरी कार्यालय रुपन्देहीले आइतबार पक्राउ गरेको हो। आफूमाथि बलात्कारको प्रयास गरेको भन्दै बुटवलकी १६ वर्षीया एक युवतीले किटानी जाहेरी दिएको चार दिनपछि सुवेदी पक्राउ परेका हुन्।

सुवेदीलाई हिरासतमा राखी अनुसन्धान गर्न जिल्ला अदालत रुपन्देहीले ४ दिनको म्यादसमेत दिएको छ। जिल्ला प्रहरी कार्यालय रुपन्देहीका डीएसपी खडकबहादुर खत्रीका अनुसार सुवेदीलाई पक्राउ गरी अनुसन्धान सुरु गरिएको छ।

उनका अनुसार किटानी जाहेरीमा उक्त घटनामा पत्रकार रिया बस्नेत र प्रकाश न्यौपानेको पनि संलग्नता रहेको जिकिर गरिएको छ। प्रहरीले उनीहरुलाई पनि खोजी गरिरहेको छ।

यसरी भयो घटना

मंसिर पहिलो साता लुम्बिनीमा तीन दिने न्यूज फेस्टिभल आयोजना भएको थियो। काठमाडौंसहित विभिन्न जिल्लाका पत्रकारहरु कार्यक्रममा सहभागी भएका थिए।

कार्यक्रमको पहिलो दिन नै गुल्मी घर भई बुटवलमा पत्रकारिता गरिरहेकी रिया बस्नेतले बुटवलको स्थानीय एफएममा काम गर्ने १६ वर्षीया एक युवतीलाई साथमा ल्याएकी थिइन्।

ती युवतीका अनुसार देशभरका पत्रकारहरुसँग भेटघाट हुने भन्दै रियाले उनलाई ल्याएर लुम्बिनीकै एक होटलमा राखेकी थिइन्।

नेपाल समयसँग कुराकानी गर्दै पीडित युवतीले भनिन्, ‘गोर्खाली युवा सशक्तीकरण संस्थामा रिया दिदीसँग चिनजान भएको थियो। उहाँले लुम्बिनीमा ठूल्ठूला पत्रकारहरुसँग भेटाइदिने भन्दै लिएर आउनु भयो। साँझ होटलमा रिया दिदी, प्रकाश न्यौपाने, शिव सुवेदी र म बसेका थियौं। उहाँहरु रक्सी खाँदै हुनुहुन्थ्यो। एक छिनमा प्रकाशले रिया दिदीलाई लिएर बाहिर निस्किनु भयो। केहीबेरमा शिव सुवेदी पनि गए। तर बाहिरबाट ढोका लगाए। एकछिनमा शिव सुवेदी फेरि फर्केर आए। आउनेबित्तिकै मलाई जबरजस्ती गर्न खोजे। मैले रिया दिदीलाई पनि फोन गरेँ, उहाँले आफू कार्यक्रम स्थलमा भएकोले आउन नमिल्ने भन्नु भयो। मैले गुहार मागेँ तर कोही आएन।’

जबरजस्ती गर्न थालेपछि झ्यालबाट हामफालेर बाहिर निस्केको उनले बताइन्। भरखरै स्थानीय रेडियोमा बाल कार्यक्रम चलाउन थालेकी उनले आफूमाथि रिया र प्रकाशकै मिलेमतोमा शिव सुवेदीले बलात्कारको प्रयास गरेको दाबी गरिन्।

उनले ११ मंसिरमा जिल्ला प्रहरी कार्यालय रुपन्देहीमा जाहेरी दर्ता गराएकी थिइन्। घटना मिलाउन दबाब आएको पीडितका बुवाले बताए। ‘यहाँका वडाध्यक्ष र केही नेताहरुले दबाब दिएका छन्। पैसा लिएर पनि घटना मिलाउन भन्दैछन्,’ उनले भने।

साभार:नेपाल समयबाट

कमेन्ट गर्नुहोस्
सम्बन्धित

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]

जनकपुरधाम । तराई मधेशका जिल्ला तथा मिथिलाञ्चल क्षेत्रमा आज जुडशीतल पर्व मनाइँदै छ । यो पर्व शीतलताको प्रतिक हो । नव वर्षको शुभारम्भसँगै हरेक वर्ष वैशाख २ गते तराईरमधेश क्षेत्रमा जुड़शीतल मनाइन्छ । आज एकाबिहानै शीतल जल घरको ज्येष्ठ व्यक्ति तथा मान्यजनले आफूभन्दा सानोको टाउकोमा छर्केर आशीर्वाद दिने चलन छ । यो पर्वको उद्देश्य सूर्यको […]