०३ बैशाख २०८१, सोमबार
15-04-2024 , Mon
×

सप्तरीका पत्रकार झाको घर मा प्रहरीको खानतलासी बदनियतपुर्ण, महासंघको घोर आपत्ति

Logo
प्रकाशित बुधबार, मंसिर १८, २०७६

 

मनोज बनैता, सिरहा, १८ मंसिर। सप्तरीका इलाका प्रहरी कार्यालय हनुमाननगरका एक प्रहरी टोलीले बिना कारण नेपाल पत्रकार महासंघका केन्द्रीय सदस्य एवं कान्तिपुर दैनिकका उपसम्पादक अवधेशकुमार झाको तिलाठी कोइलाडी गाउँपालिका ८ तोपास्थित निवासमा बुधवार दुई पटक खानतलासी गरेको छ ।

गाँजा फडानी अभियानको क्रममा प्रहरी टोली तोपा पुगेर केही स्थानीयहरुको बारीमा रहेको गाँजा बोट नष्ट गरेपनि केन्द्रीय सदस्य झाको घरमा जाँदा गाँजा फेला नपरेपछि फर्किएको थियो । तर, पुनः दोश्रो पटक प्रहरी टोली जर्बजस्ती झाको घरमा प्रवेश गरी घरमा एक्लै रहनुभएकी झाकी ९० वर्षिया हजुरआमालाई दुब्र्यवहार गर्दै घर खानतलासी गरेको छ । नेपाल प्रहरी ले देउता घर (गोसाइँ घर) समेतमा पटक पटक खानतलासी गर्दा पनि केही फेला परेन ।

यसरी बिना कारण गाँजा फडानीको नाममा केन्द्रीय सदस्य झाको घरमा प्रहरीले सामान्य मर्यादासमेतको ख्याल नगरी यसरी गरिएको हर्कत र ज्यादतीप्रति खेद प्रकट गर्दै नेपाल पत्रकार महासंघ शाखा सप्तरीले विज्ञप्ती जारी गरेको छ । यसरी बिना कारण घर खानतलासी गर्न पुगेका प्रहरी टोलीका नेतृत्वकर्तासमेतलाई अविलम्ब कारबाही गर्न सप्तरीका प्रहरी उपरीक्षकसँग हामी जोडदार माग गर्दछौं भनेर विज्ञप्तीमा उल्लेख गरिएको छ । घटनाको घोर भत्सर्ना गर्दै आईन्दा यस्तो घटना नदोहर्याउन समेत प्रहरीलाई यसै विज्ञप्ती मार्फत सचेत गरिएको छ ।
खानतलासी गर्ने प्रहरी टोलीलाई अविलम्ब कार्यवाही नगरिए नेपाल पत्रकार महासंघ शाखा सप्तरी कडा संघर्षमा उत्रिन बाध्य हुने र जसको जिम्मेवार स्वंयम प्रहरी हुने चेतावनीसमेत यसै प्रेस विज्ञप्ती मार्फत जानकारी दिईएको छ ।

कमेन्ट गर्नुहोस्
सम्बन्धित

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]

जनकपुरधाम । तराई मधेशका जिल्ला तथा मिथिलाञ्चल क्षेत्रमा आज जुडशीतल पर्व मनाइँदै छ । यो पर्व शीतलताको प्रतिक हो । नव वर्षको शुभारम्भसँगै हरेक वर्ष वैशाख २ गते तराईरमधेश क्षेत्रमा जुड़शीतल मनाइन्छ । आज एकाबिहानै शीतल जल घरको ज्येष्ठ व्यक्ति तथा मान्यजनले आफूभन्दा सानोको टाउकोमा छर्केर आशीर्वाद दिने चलन छ । यो पर्वको उद्देश्य सूर्यको […]