न्यूज मधेश,महोत्तरी,१८मंसिर। महोत्तरीमा लागुऔषधसहित दुईजनालाई प्रहरीको नियन्त्रणमा लिएको छ।
बुधबार बिहान ज १२ प ८३४ नम्बरको मोटरसाईकलमा भारतबाट नेपालतर्फ आउँदै गरेका महोत्तरीको एकडारा गाउँपालिका वडा नं.३ का पप्पु मण्डल र रोशन कुमारलाई प्रहरी नियन्त्रणमा लिएको छ ।
प्रहरीले मण्डलको साथबाट प्रोमेथाजिन इन्जेक्सन ९८ पिस, बुप्रेनोरफिन ईन्जेक्सन सय पिस, डाईजिपाम ईन्जेक्सन सय पिस र इन्ट्राजेपाम ट्यावलेट नौ सय पिस बरामद गरेको छ । त्यस्तै कुमारको साथबाट दुई हजार ५८ रुपैयाँ र एक मोबाईल बरामद गरेको छ ।
पक्राउ परेका माथि प्रहरीले लागुऔषध सम्बन्धि मुद्दा चलाउने प्रकृया सुरु गरेको जिल्ला प्रहरी कार्यलय महोत्तरीले जानकारी दिएका हुन।
