मनोज यादव
सर्लाही,१९ मंसिर ।सर्लाहीको सदरमुकाम मलंगवामा स्थित गम्हरियामा आज मोटरसाईकलको ठक्करबाट एक जनाको मृत्यु भएको छ।
नवलपुर-मलंगवा सडक खण्ड अन्तर्गत मलंगवा नपा वडा न-११ गम्हरीया स्थित गंगा फ्युल सेन्टर(पेट्रोल पम्प )नजिक दिउँसो करिब सवा १२ बजे ना ४३ प ५६९१ नम्बरको मोटरसाईकलले पैदल यात्री सोही नगरपालिका वडा न–७ गणेशिया घरभएका अन्दाजी ५५ वर्षिय धरिक्षण रायलाई ठक्कर दिँदा ज्यान गएको प्रहरी नायव उपरीक्षक प्रहरी प्रवक्ता प्रतित सिंह राठौरले जानकारी दिनुभएको छ ।
मोटरसाइकलको ठक्करबाट गम्भीर घाइते भएका रायलाई उपचारका लागि जिल्ला अस्पताल मलंगवा लाँदै गर्दा बाटोमै ज्यान गएको प्रहरी प्रवक्ता राठौरले जनाएको छ ।
दुर्घटनामा संलग्न मोटरसाईकल र चालक लालबन्दी वडा न -१ कै २६ वर्षिय अवलेश मिकरानीलाई जिल्ला प्रहरी कार्यालय मलंगवाको हिरासतमा रखेर थप अनुसंधान भइरहेको प्रहरीले जानकारी दिएको छ ।मृतक रायको शव पोस्टमार्टमका लागि जिल्ला अस्पतालमा राखिएको छ ।
