नविन चौधरी
जलेश्वर ,२० मंसिर । महोत्तरीमा एक थान लोडेड पेस्तोल बरामद भएको छ । सशस्त्र प्रहरी विओपी जलेश्वरबाट खटिएको गस्ती टोलीले जिल्लाको जलेश्वर नगरपालिका वार्ड नं ६ धबौलीबाट एक थान पेस्तोल, त्यसमा प्रयोग हुने ५ राउण्ड गोली र एउटा म्यागजिन बरामद गरेको हो ।
इन्डियन ओरनान्स कम्पनीबाट २००५ सालमा बनेको ७.६५ एमएम पेस्तोल फेला परेको हो ।
बरामद भएको पेस्तोल गोली र म्यागजिन आवश्वयक कार्वाहीका लागि जिल्ला प्रहरी कार्यालय महोत्तरीमा बुमmाउँने तयारी भइरहेको शस्त्र प्रहरी नं ९ गणका गणपति निरकृष्ण अधिकारीले जानकारी दिए ।
यसअघि हिजो बिहीबार जलेश्वर ६ धवौलीमा प्रहरीले बेबारिशे शव बरामद समेत गरेको थियो । नाम ठेगाना खुल्न नसकेको करिब ३२ बर्षिय युवकको शव बरामद भएको थियो । शव पोस्टमार्टमका लागि जिल्ला अस्पताल जलेश्वरमा राखिएको छ । जिल्लामा अपराधिक घटना भइरहेपनि प्रहरीको फितलो अनुसन्धानका कारण अपराधिहरु कानुनी दायरमा आउन सकेका छैन।
