०७ साउन २०८१, मंगलबार
23-07-2024 , Tue
×

जनकपुरमा महिला महोत्सव सुरु

Logo
प्रकाशित शनिबार, मंसिर २१, २०७६

न्यूज मधेश जनकपुरधाम,२१ मंसिर । विश्वमै गरिदैं आएको महिला महोत्सव जनकपुरधाममा पनि शुरु भएको छ । विश्वका महिला महोत्सव मधेश भनेर नाम दिइएको महोत्सव शुक्रबारदेखि जानकी मन्दिर प्राङ्गणमा प्रारम्भ भएको हो ।

यो महोत्सव नेपालमा भएको महिला महोत्सवको तेस्रो संस्करण हो । यसअघि दुई संस्करण काठमाडौंमै आयोजना गरिएको थियो । काठमाडौंभन्दा बाहिर आयोजना गरिएको यो पहिलो महोत्सव हो ।

महोत्सवमा मधेशी महिलाको को परिवेश सम्बन्धी कथाहरु, दृष्टिकोणहरु र अभिव्यक्तिहरुको छुट्टै प्रस्तुतीको अवसर प्रदान गरिनेछ ।

ब्रिटिश काउन्सिलले आयोजना गरेको महोत्सवमा बिभिन्न संघ–संस्थाहरुको समेत सहभागिता रहेको छ ।

महोत्सवमा महिलाहरुको अनुभव प्रस्तुती, संवाद कार्यक्रम, मार्ग निर्देशन, संगीत, नृत्य तथा नाट्य प्रस्तुतिहरु गरिएको छ ।

महोत्सवको पहिलो दिन महिलाका लागि महिला शिर्षकमा आयोजना गरिएको संवाद कार्यक्रम, आफ्नो ठाउँबाट प्रेरणादायी उदाहरण बन्ने कुराहरुबारे छलफल गरिएको छ ।

यस्तै, पहिलो दिन शुक्रबार बिभिन्न बिषयमा कार्यशालाको समेत आयोजना गरिएको छ । साथी–साथी सिकाइको माध्यमबाट महिला सशक्तिकरण, मिथिला चित्रकला, प्रजनन् स्वास्थ्य तथा रजस्वला बुझाईबारे कार्यशालाको आयोजना गरिएको छ ।

महोत्सवमा बिभिन्न प्रदर्शनीहरु समेत राखिएको छ । हस्तकलामा लुकेको खुशी, हिरोनीहरु निर्माण, जंगलबाट हाम्रो गीत, अन्यायको जटिलता सम्बन्धी कथाहरु, फोटो कथाहरु प्रदर्शनीमा राखिएइको छ ।

चोपाइर नाटक प्रदर्शन

महिला महोत्सवको अवसरमा लैंिगक हिंसाबिरुद्व न्यायका लागि चौपाइर नाटक मैथिली भाषामा प्रदर्शन गरिएको छ ।

यूके एडको आर्थिक सहयोगमा भिएसओ र इन्टरनेशनल अलर्टको साझेदारीमा समग्र जन उत्थान केन्द्रद्वारा प्रदेश २ मा संचालित सहज परियोजना अन्तर्गत उक्त नाटक प्रदर्शन गरिएको हो ।

मधेशी समाजमा हानिकारिक सामाजिक मूल्य, मान्यताका कारण हुने महिलामाथिको हिंसालाई चित्रण गरेर देखाइएको थियो । बालविवाह गरेर बिष खुवाई मार्ने प्रयास गरिएकी दुलारीदेवीको कथालाई सडिक नाटक मार्फत देखाइएको थियो ।

नाटक प्रदर्शन पश्चात दर्शकहरुले आफ्नो गाउँमा बाल विवाह नगर्ने, लैंगिक हिंसा न्यूनिकरण गर्नेजस्ता प्रतिबद्वता जनाएका थिए । समग्र जन उत्थान केन्द्र सिरहा र आइडिया नेपाल सप्तरीका कलाकारहरुले नाटकमा अभिनय गरेका थिए ।-जनकपुर टुडे

कमेन्ट गर्नुहोस्
सम्बन्धित

जनकपुरधाम ।मधेश प्रदेशका मुख्यमन्त्री सतिशकुमार सिँहले महोत्तरीको बर्दिवास नगरपालिकास्थित टुटेश्वरनाथ महादेव मन्दिरको पूर्वाधार विकास र प्रचारप्रसारबाट स्थानीय अर्थतन्त्र मजबुत बनाउन सकिने बताएका छन् । सोमबार बिहान साउनको पहिलो सोमबार टुटेश्वरनाथ महादेवको पूजाअर्चनापछि मुख्यमन्त्री सिँहले मन्दिरमा आन्तरिक पर्यटकको आगमन तीव्रताका साथ बढाउन सकिए स्थानीय अर्थतन्त्र मजबुत भएर त्यसक्षेत्रका बासिन्दाको जीविकोपार्जनमा सघाउ पुग्ने उल्लेख गरे । उनले […]

जनकपुरधाम, ७ साउन ।चार पटकका सांसद एवम् पूर्वमन्त्री रामचन्द्र रायको सर्लाहीस्थित चन्द्रनगर गाउँपालिका वडा नम्बर २ रतनपुरमा हत्या भएको छ । पूर्वमन्त्री यादव सर्लाही सदरमुकाम मलंगवामा बस्दैआएका थिए । गाउँमा मृत्युभोज सकाएर आइतबार रातिविश्रामका लागि पुगेका पूर्वमन्त्री यादवलाई जग्गासम्बन्धी विवाद सुल्झाउन आग्रह गर्न पुगेका अज्ञात तीनजना व्यक्तिले धारिलो हतियार प्रयोग गरेर उनको हत्या गरेको आशंका […]

जनकपुरधाम । मधेस प्रदेशका मुख्यमन्त्री सतिसकुमार सिंहले आइतबार मुख्यमन्त्रीको कार्यालयसहित ११ वटा मन्त्रालयको छड्के निरीक्षण गरेका छन् । प्रदेश सरकारको कार्यालयमा कर्मचारीहरूको लापरबाही बढेको गुनासो आएपछि मुख्यमन्त्री सिंहले बिहान मुख्यमन्त्रीको कार्यालयसहित ११ वटा मन्त्रालयको अनुगमन गरेका हुन् । निरीक्षण तथा अनुगमनको क्रममा मुख्यमन्त्री सिंहले अधिकांश कर्मचारीहरूमा धेरै लापरबाही रहेको पाइएको बताए । उनले कर्मचारीहरूमा खासगरी […]