३० आषाढ २०८१, आइतबार
14-07-2024 , Sun
×

सिरहामा एकीकृत बस्ती र विद्यालय भवन हस्तान्तरण

Logo
प्रकाशित सोमबार, मंसिर २३, २०७६

फिरोज शेख
लहान,२३ मंसिर।सिरहाको लहानमा एक कार्यक्रमका बीच एकीकृत बस्ती र विद्यालय भवन हस्तान्तरण गरिएको छ। लहान नगरपालिका वडा नम्बर ५ खुट्टी खोला किनारको बलुवा टोलमा झुपडी बनाएर बसोवास गर्दै आएका पाँच डोम परिवारलाई पाँच वटा घर हस्तान्तरण गरिएको छ ।

संघीय मामिला तथा सामान्य प्रशासन मन्त्रालय अन्तर्गत “तराई मधेस समृद्धि कार्यक्रमको ९० लाख र नगरपालिका तथा उपभोक्ता समितिको नौ लाख दुई हजार गरी ९९ लाख दुई हजार रुपैयाँको लागतमा निर्मित १० वटा पक्की घर मध्ये पाँच वटा डोम परिवारलाई घर हस्तान्तरण गरिएको हो । लहान नगरपालिकाका नगर प्रमुख मुनि साह सुडीले रिवन काटेर एकीकृत बस्तीको उद्घाटन गर्दै कार्यक्रम स्थलमा प्रमाण -पत्र र साचो सहित नव निर्मित एकीकृत बस्तीको पाँच घर हस्तान्तरण गरेका हुन् ।

दुई वटा सुत्ने कोठा, भान्सा, शौचालय र बरण्डा सहितको पक्की घर पाउदा वर्षौंदेखि झुपडीमा बस्दै आएका स्थानीय डोमहरु निकै खुशी हुँदै तराई मधेस समृद्धि कार्यक्रमका सम्पूर्ण पदाधिकारी संगै लहान नगरपालिकालाई धन्यवाद ज्ञापन गरेका छन्।

बस्ती हस्तान्तरण गर्दै मेयर साहले गरिब, बिपन्न र दलितहरुका लागि दिइएको घरमा बसेर आयआर्जनका कामसँगै छोराछोरीको शिक्षामा विशेष ध्यान दिन आग्रह गर्दै सरसफाईमा पनि विशेष ध्यान दिन आग्रह गर्नु भयो।
बस्तीमा बनेका १० घर मध्ये तत्काल पाँच परिवालाई हस्तान्तरण गरिएको भएपनि वडा कार्यालयको सिफारिश र निर्णयसहित थप पाँच परिवारको नाम प्राप्त भएपछि बाँकी घर समेत हस्तान्तरण गरिने योजना रहेको समेत स्पष्ट पार्नु भयो । घर पाउनेहरुमा लहान ५ का दहनी मरिक,जोगेन्द्र मरिक, विनोद मरिक, प्रमोदकुमार मरिक र धनसिं मरिकसहित पाँच परिवार डोम छन् ।

यसै बीच लहान ५ शिव मन्दिरको अगाडी संचालनमा रहेको शिवशक्ति आधारभूत विद्यालयलाई स्थान्तरण गर्दै विद्यालयका लागि खुट्टीखोलाको पश्चिम किनारमा निर्मित नयाँ पाँच कोठे भवन समेत शिवशक्ति आधारभूत विद्यालयलाई नगर प्रमुख साहले विद्यालय प्रशासनलाई हस्तान्तरण गरेका छन्।

तराई मधेस समृद्धि कार्यक्रमको ५० लाख र नगरपालिका तथा उपभोक्ता समितिको पाँच लाख २९ हजार गरी ५५ लाख २९ हजार रुपैयाँको लागतमा निर्मित भवन हस्तान्तरण गरिएको हो । भवन हस्तान्तरण सँगै लहान ५ मा पर्ने तीनवटा आधारभूत विद्यालयको कक्षा १ मा अध्ययनरत १ सय २३ जनालाई स्कुल पोशाक र टिफिन बक्स समेत वितरण गरिएको छ। कार्यक्रममा एकीकृत बस्ती र विद्यालय भवन निर्माणमा अतुल्य योगदान पुर्याउनु हुने ३ जना लाई कदर-पत्र सहित सम्मान गरिएको थियो। कार्यक्रमको अध्यक्षता लहान नगरपालिका वडा नम्बर ५ का वडा अध्यक्ष सुलेमान मिया अन्सारीले गर्नु भएको थियो।

कार्यक्रममा उप-प्रमुख सरियार चौधरी , प्रमुख प्रशासकीय अधिकृत खेमनन्द भुषाल, शस्त्र प्रहरी लहानका डिएसपी अर्जुन सापकोटा लगायत विभिन्न वडाका वडा अध्यक्ष र सदस्यहरु , शिक्षक, नागरिक समाज ,वुद्धिजीवी, समाजसेवी,वडावासी, विद्यार्थी, अभिभावक लगायतको उपस्तिथी रहेको थियो।

कमेन्ट गर्नुहोस्
सम्बन्धित

अमेरिका । अमेरिकी रिपब्लिकन पार्टीद्वारा पेन्सिल्भेनिआमा आयोजित र्‍यालीमा गोली प्रहार हुँदा रिपब्लिकन पार्टीका तर्फबाट राष्ट्रपतीय निर्वाचनका उम्मेदवार तथा भूतपूर्व अमेरिकी राष्ट्रपति डोनाल्ड ट्रम्प घाइते हुनुभएको छ । उहाँको कानबाट रगत आएको देखिएको छ । उहाँको हत्या गर्ने उद्देश्यले भएको ठानिएको उक्त घटनालगत्तै ट्रम्पलाई उक्त स्थानबाट बाहिर निकालिएको छ । उक्त घटनापछि ट्रम्पले आफ्नो दायाँ कानमा […]

काठमाडौँ । राष्ट्रपति रामचन्द्र पौडेलले सरकार गठनका लागि तोक्नुभएको समयसीमा सकिएपछि आज नयाँ प्रधानमन्त्री नियुक्ति गर्दै हुनुहुन्छ । संसद्को सबैभन्दा ठूलो दल नेपाली कांग्रेसको समर्थनमा प्रधानमन्त्रीमा दाबी गर्नुभएका नेपाल कम्युनिष्ट पार्टी (एमाले) का अध्यक्ष केपी शर्मा ओली अपराह्न ५ बजेपछि प्रधानमन्त्रीमा नियुक्त हुनुहुने भएको छ । राष्ट्रपतिको आह्वानअनुसार एमालेका अध्यक्ष ओलीले कांग्रेसको समर्थनमा प्रधानमन्त्रीका लागि […]

काठमाडौँ । बूढानीलण्ठ नगरपालिका– १२, कपन फैँकाकी नीरा कोइराला उमेरले ५१ वर्ष पुग्नुभयो । उहाँ ओखलढुङ्गाको रातमाटेमा जन्मिनुभएको हो । सानोमा उहाँले विद्यालय टेक्नै पाउनुभएन । “छोरी मान्छेको जात अरुको घर जाने हो किन पढ्नुपर्‍यो भन्ने चलन थियो”, उहाँले भन्नुभयो, “पढ्ने उमेर घाँसपात मेलापात गर्दैमा बित्यो । बिहेपछि छोराछोरी हुर्काउँदै ठिक्क भइयो ।” उहाँका चार […]