१३ आश्विन २०८०, शनिबार
30-09-2023 , Sat
×

जनताको आवश्यकता अनुसार अगाडि बढेका छौंः मेयर यादव

Logo
प्रकाशित सोमबार, मंसिर २३, २०७६

श्यामसुन्दर यादव
राजविराज,२३ मंसिर । सप्तरीको बोदेवर्साइन नगरपालिकाका मेयर आतेश कुमार सिंह यादवले सर्वसाधारण जनतालाई शुद्ध खानेपानी उपलब्ध गराउने उद्देश्यले ‘एक घर–एक धारा’ कार्यक्रम ल्याउन लागिएको बताएका छन् ।

‘न्यूजमधेश’ सँग कुराकानी गर्दै उनले नगरपालिकाको विभिन्न वडाहरुमा खानेपानीको समस्या रहेकोले उक्त समस्यालाई पूर्ण रुपमा समाधान गर्न ‘एक घर–एक धारा’ सहित अन्य कार्यक्रमहरु ल्याउन लागिएको बताए । जिल्ला खानेपानी संस्थानसँगको समन्वयमा ‘एक घर–एक धारा’ कार्यक्रम अगाडि बढाईएको जानकारी दिँदै उनले भने ‘बोदेवर्साइन नगरपालिकाका वासिन्दाहरुले शुद्ध खानेपानी उपभोग गर्न पाउन् भन्ने उद्देश्यले घरघरमा धारा पुर्याउन लागेका छौं ।’ उक्त कार्यक्रमकालागि सर्वे डिपीआर थालिएको जानकारी दिँदै यसै कार्यकालमा जनताले धाराको पानी उपलब्ध गराउने गरी काम थालिने उनले प्रतिवद्धता व्यक्त गरे ।

यसका साथै नगरसभाबाट १० ओटै वडाकालागि खानेपानीकालागि ट्युवेल खरिद तथा जडान गर्न ५० लाख रुपैयाँ विनियोजन गरेको उनले जानकारी दिए । सम्पन्न तथा मध्यम वर्गीय व्यक्तिहरुको घरमा खानेपानीको समस्या नरहे पनि खासगरी दलित, गरिब एवम् विपन्न वस्तीहरुलाई लक्षित ट्युवेल जडान गरिने उनले बताए । आफु मेयरमा चुनाव लडेको बेला घरघरमा पुग्दा खानेपानी तथा सरसफाईको समस्या देखिएकोले ट्युवेलको माग भएको हुँदा चालु आर्थिक वर्षमा उक्त समस्या समाधान हुने उनले बताए ।

जनताको आवश्कता र चाहना अनुसार आफुहरु अगाडि बढिरहेको जानकारी दिँदै मेयर यादवले सडक, स्वास्थ्य, शिक्षा र सिंचाईलाई प्राथमिकतामा राखेको बताए । सडकमा ३ सय ७४ ओटा योजनाहरु लागु भईसकेको चर्चा गर्दै उनले भने ‘सडकका योजनाहरुमध्ये अधिकांश सम्पन्न भईसकेको छ, तीमध्ये ५० भन्दा बढी योजना आरसीसी ढलानकै रहेको छ । सम्पूण वडाहरुमा आरसीसी ढलान, माटो तथा ग्राभेल, कल्भर्ट निर्माणको काम भएको बताउँदै उनले नगरपालिकामा १५ शैय्या अस्पतालकालागि स्वास्थ्य मन्त्रालयबाट १५ करोड रुपैयाँ समेत विनियोजना भईसकेको जानकारी दिए ।
कुपोषणको क्षेत्रमा प्रदेशमै नगरपालिका उत्कृष्ट काम भएको बताउँदै उनले भने ‘प्रदेश नम्वर २ मै बोदेवर्साइन नगरपालिका प्रथम भएको छ, युएनसम्मले हाम्रो कामको प्रशंसा गरेको छ ।’ कृषि क्षेत्रमा समेत परिवर्तन ल्याउन कृषकहरुलाई तालिम दिनुका साथै कृषिजन्य उपकरण तथा बिऊ वितरण गरिएको मेयर यादवले बताए । सिंचाईमा समस्या रहँदैआएकोले यस विषयमा समेत आफुहरु गम्भीर रहेको जानकारी दिँदै उनले भने ‘सिंचाईकालागि बोरिङ्ग, कुलो पैनी निर्माणका साथै खेतखेतमा विद्युत पुर्याउने कार्यलाई समेत अगाडि बढाएका छौं ।’

नगरपालिकामा पर्यटनको समेत सम्भावना रहेकोले मानराजा गढीलाई पर्यटकीय गन्तव्यको रुपमा विकास गर्ने उद्देश्यकासाथ त्यसको डिपीआर भईसकेको तथा अन्य धार्मिक एवम् पर्यटकीय स्थलहरुको विषयमा समेत यसै आर्थिक वर्षमा सम्भाव्यता अध्ययन गरी अघि बढ्ने उनले बताए । जिल्लाकै पुरानो बजारको रुपमा रहेको बर्साइनलाई थप व्यवस्थित एवम् विस्तारिकरण कार्य भईरहेको मेयर यादवले जानकारी दिए ।

कमेन्ट गर्नुहोस्
सम्बन्धित

काठमाडौं । संघीय मामिला तथा सामान्य प्रशासन मन्त्रालयले सरुवा भएका कर्मचारीलाई तुरुन्त रमाना दिन निर्देशन दिएको छ । रमाना भएर जानुपर्ने धेरै कर्मचारीले हालसम्म पनि रमाना नलिएका कारण सार्वजनिक सेवा प्रवाहमा प्रत्यक्ष असर परेको भन्दै मन्त्रालयले मन्त्रालय, आयोग, सचिवालय, कार्यालय, प्रदेश र स्थानीय तहलाई रामाना दिन निर्देशन दिएको हो । मन्त्रालयले नियम बमोजिम सरुवा, पदस्थापन, […]

काठमाडौं । लोकतान्त्रिक समाजवादी पार्टीका महासचिव जासर यादव विरुद्ध बैङ्किङ कसुरमा मुद्दा परेको छ । महासचिव यादव विरुद्ध कैलास महतो मुद्दा दर्ता गराएका हुन् । महतोले उनी विरुद्ध जिल्ला अदालत महोत्तरीमा मुद्दा दर्ता गराएका हुन् । उनी विरुद्ध ८ लाख रकम बराबरको बैङ्किङ कसुर गरेको आरोप लागेको छ। यादव विरुद्ध नै जिल्ला अदालत धनुषामा पनि […]

जनकपुरधाम ।लोकतान्त्रिक समाजवादी पार्टी(लोसपा)का महासचिव जासर यादवलाई पक्राउ गर्न अदालतले आदेश गरेका छ्न। जिल्ला अदालत महोत्तरीले जिल्लाको एकडारा गाउँपालिका -४ चकवा बस्ने जिबछ यादवको छोरा लोसपाका महासचिव जासर यादवलाई बैँकङ्ग कसुर बिगो मुद्दामा गत असार १५ गते अदालतले पक्राउ गर्न आदेश दिएका हुन।अदालतले गरेको आदेशपछि असार १९ गते महासचिव यादवलाई पक्राउ गर्न अदालत पत्र जारी […]