न्यूजमधेश समचारदाता
बारा,२५ मंसिर।बारामा रहेको प्रेष्टिज मेट्रस इण्डस्ट्रीजका मजदुरहरु आन्दोलनमा उत्रिएका छन् । जिल्लाको परवानीपुर गाउँपालिका वडा नं– ५ गण्डक बहुअरीमा रहेको प्रेष्टिज मेट्रस इण्डस्ट्रीजमा कार्यरत रहेका मजदुरहरु विगत ११ दिन देखी इण्डस्ट्रीजको मूल गेटमा धर्ना दिएर प्रदर्शन सुरु गरेका हुन् ।
आन्दोलन अखिल नेपाल उद्योग मजदुर संघ प्रेष्टिज मेट्रस इकाई कमिटीका अध्यक्ष अरुण कुमार पटेलको नेतृत्वमा इण्डस्ट्रीजको मूल गेटमा धर्ना दिएर प्रदर्शन सुरु गरेका छन् । विगत १० वर्ष देखि इण्डस्ट्रीजमा कार्यरत रहेका मजदुरहरु लाई इण्डस्ट्रीज व्यवस्थापनले नेपाल सरकारको नियम अनुसार सेवा सुविधा उपलब्ध नगराएको भन्दै इण्डस्ट्रीजका मजदुहरु आन्दोलनमा उत्रिएका संघका अध्यक्ष पटेलले बताए ।
आन्दोलनरत मजदुरहरु मा कृष्ण कुमार, रामसेवक कुर्मी, प्रमेन्द्र पटेल, श्रवण यादव, रामपुजन राम, निरंजन पटेल, प्रहलाद साह, मुकेश पटेल, महेश गुप्ता, इगरासन यादव, रामेश्वर मण्डल, श्यामसुन्दर साह, पुरन पशवान विनया साह लगायतका मजदुरहरु रहेका छन् ।
मजदुर आन्दोलनमा समर्थन जनाउन आज ११ औं दिन अखिल नेपाल उद्योग महासंघ को प्रदेश नं.– २ का अध्यक्ष अर्जुन चिमरिया र जिल्ला अध्यक्ष ढालबहादुर थापा सहभागी भएका थिए।
