सन्तोष रन्जितकार
वीरगंज, २६ मंसिर।वीरगंज गण्डकस्थित रहेको नारायणी वयोधा अस्पतालले स्थापित समयदेखि नै बारा र पर्साका इन्डष्ट्रिज करिडोरको नजिकमा रहेको हुंदा इन्डष्ट्रिजहरुमा भएको विभिन्न किसिमको दुर्घटनामा परी घाइते भएकाहरु तथा सवारी दुर्घटनामा परी घाइते भएकाहरुको सफल उपचार गर्ने गरेको छ ।
बारा पर्साका कारखाना तथा सडक दुर्घटनामा परेका घाइतेहरुलाई अन्यत्र रेफर नगरी आफ्नै अस्पतालमा सम्पूर्ण जिम्मेवारी लिएर उपचार गर्ने गरेको र अस्पतालको उपचार खर्च समेत अरु प्राइभेट अस्पतालको तुलनामा रहेको तथा कम खर्चमै सफल उपचार हुने गरेको अस्पतालमा उपचारार्थ रहेका एक बिरामीले जानकारी दिए ।
अस्पतालमा उपचार गराउन आएका बिरामीहरु सन्तुष्टिपूर्वक नै घर फर्कने गरेको अस्पतालका सर्जन डा. रन्जन कुमार झाले जानकारी दिनुभएको छ ।
उक्त अस्पतालमा विभिन्न किसिमको ठुलो भन्दा ठुलो शल्यक्रियाहरु समेत गरेर बिरामीहरुको ज्यान जोगाउन सफल भएको सर्जन डा. झाको भनाई रहेको थियो ।
सर्जन डा. झाले महिनामा १५ देखि २५ वटा विभिन्न किसिमका शल्यक्रियाहरु सफलतापूर्वर्क गर्दै आइरहेको बताए ।अस्पतालले विभिन्न समयमा संघसंस्थाहरुसंग आवद्ध भएर सामाजिक कार्यहरु समेत गरिरहेको र अगाडी पनि गरिरहने उनले बताउनु भयो ।
