संतोष रन्जितकार
वीरगन्ज,२६ मंसिर।पर्सा श्रीसियाका बासिन्दाले सुक्खा बन्दरगाहमा परेको जग्गाको मुआब्जा पुनः मूल्यांकनको माग गर्दै प्रदर्शन गरेका छन् ।
बुधबार वीरगन्ज महानगरपालिका–२५ खलवाटोला र श्रीसियावासीले प्रदर्शन गर्दै पर्साका प्रमुख जिल्ला अधिकारी जितेन्द्र बस्नेतलाई ज्ञापनपत्र बुझाएका हुन्।
उनीहरुले अधिग्रहण गर्न लागिएको ६२ विगाहा जग्गाको मूल्यांकन न्यून भएको भन्दै मुआब्जाको पुनःविचार गर्न अपिल गरेका थिए ।श्रीसियावासी विगत पाँच दिनदेखि वीरगन्ज–पोखरिया सडकखण्डको ड्राइपोर्ट’ चोकमा धर्नासमेत बस्दै आएका छन् ।
कार्यक्रममा नेपाली कांग्रेस पर्साका पूर्व सांसद राजेन्द्र बहादुर अमात्य, पर्साका सभापति अजय द्विवेदी, पार्टीका नेता कार्यकर्ता लगायत स्थानीयहरुको उल्लेख्य सहभागिता रहेको थियो ।
