०७ साउन २०८१, मंगलबार
23-07-2024 , Tue
×

कमला नदिमा पुल नहुदा सर्वसाधारण डुङ्गामा जोखिम यात्रा गर्न बाध्य

Logo
प्रकाशित शुक्रबार, मंसिर २७, २०७६

न्यूजमधेश समचारदाता
जनकपुरधाम,२७ मंसिर।धनुषा र सिरहा जोड्ने कमला नदीमा पुल नहुँदा दैनिक हजारौं सर्वसधारण डुङ्गामा जोखिम यात्रा गर्न बाध्य छन् ।

कमला नदीको पुर्वतिर सिरहाको सारश्वर र पश्चिमतीर धनुषाको सुखठोर टोल पर्छ । अतिव्यस्त सडक भएपनि कमला नदीमा पुल नहुँदा सर्वसधारण डुङ्गा चढेर ओहोरदोहोर गर्छन् ।डुङ्गामा एक जनालाई पार गर्न घटवार (डुङ्गा चलाउने)ले ५० रुपैया लिन्छ । मोटरसाइकल पार गर्न १ सय रुपैया लिने गरिएको छ ।

सिरहाबाट जनकपुरतर्फ आउन लागेका विजय यादबले पार गर्न पनि समस्या र रकम पनि तिर्नुपरेको बताए । उनले डुङ्गामा क्षमताभन्दा बढी लोड गर्दा डुब्ने डर लाग्ने गरेको सुनाए । सिरहा सदरमुकामबाट प्रदेश २ को अस्थायी राजधानी जनकपुरधाम जान सर्वसधारण यही बाटो प्रयोग गर्छ । यो बाटो भएर सिरहाबाट जनकपुर पुग्न मात्र १ देखि डेढ घण्टा लाग्छ । त्यसैले सिरहा सदरमुकामबासी जनकपुर जानुपरे यही बाटो प्रयोग गर्छन् । धनुषातर्फका सर्वसधारण त नुन, तेल खरिद गर्न पनि सिरहा सदरमुकाम नै पुग्ने गरेका छन् ।

उनीहरु सालाना (वर्ष दिनमा एकैपटक) डुङ्गा चढेको रकम तिर्ने गर्छन् । धनुषाको कमला क्षेत्रका हजारौं मानिस सिरहा बजारमा निर्भर छन् । उनीहरु विरामी पर्दा पनि जनकपुर नगई सिरहा बजार पुग्छन् । किनकी सिरहा नजिकमा पर्छ । कमला नदीमा पुल नहुँदा यस भेगका जनता अत्यन्त मारमा परेका छन् । डुङ्गा नचलेको दिन वा रातिको समयमा कोही विरामी पर्दा ज्यानै गुमाउनुपर्ने अवस्था सृजना हुने गरेको यात्रु सरोज गोइतले गुनासो पोखे ।धनुषाका सयौं परिवार दुध बेच्न पनि यही बाटो भएर सिरहा सदरमुकाम पुग्छन् ।

उनीहरुले वर्षमा एकै पटक घटबार (डुङ्गा चलाउने)लाई तिर्ने गरेको बताउँछन् । घटबार बिन्देश्वर माझीले दुध बेच्न बजार जानेहरु बर्षेनी २० किलो धान दिने गरेको बताए । उनले कहिले कसैसँग रुपैया नहुनेलाई त्यतिकै पार गरिदिने गरेको सुनाए ।
उनले भने, ‘समस्या छ । सरकारले पुल बनाइदिनुपर्यो यहाँ पनि ।’अतिव्यस्त यो बाटो भएपनि कमला नदीमा पुल बनाउन अहिलेसम्म न सिरहा तर्फका न धनुषा तर्फका नेताहरुले पहल गरेका छैन । हुलाकी सडक अन्तर्गत कमला नदीमै पुल निर्माणाधित रहेपनि कहिले निर्माण पुरा हुने हो ठेगान छैन । ठेकेदारको लापरबाहीले विगत ७ वर्षमा आधा प्रगति समेत भएको देखिदैन । त्यहाँ पनि डुङ्गामा सर्वसधारण जोखिम यात्रा गर्छन्।

कमेन्ट गर्नुहोस्
सम्बन्धित

जनकपुरधाम ।मधेश प्रदेशका मुख्यमन्त्री सतिशकुमार सिँहले महोत्तरीको बर्दिवास नगरपालिकास्थित टुटेश्वरनाथ महादेव मन्दिरको पूर्वाधार विकास र प्रचारप्रसारबाट स्थानीय अर्थतन्त्र मजबुत बनाउन सकिने बताएका छन् । सोमबार बिहान साउनको पहिलो सोमबार टुटेश्वरनाथ महादेवको पूजाअर्चनापछि मुख्यमन्त्री सिँहले मन्दिरमा आन्तरिक पर्यटकको आगमन तीव्रताका साथ बढाउन सकिए स्थानीय अर्थतन्त्र मजबुत भएर त्यसक्षेत्रका बासिन्दाको जीविकोपार्जनमा सघाउ पुग्ने उल्लेख गरे । उनले […]

जनकपुरधाम, ७ साउन ।चार पटकका सांसद एवम् पूर्वमन्त्री रामचन्द्र रायको सर्लाहीस्थित चन्द्रनगर गाउँपालिका वडा नम्बर २ रतनपुरमा हत्या भएको छ । पूर्वमन्त्री यादव सर्लाही सदरमुकाम मलंगवामा बस्दैआएका थिए । गाउँमा मृत्युभोज सकाएर आइतबार रातिविश्रामका लागि पुगेका पूर्वमन्त्री यादवलाई जग्गासम्बन्धी विवाद सुल्झाउन आग्रह गर्न पुगेका अज्ञात तीनजना व्यक्तिले धारिलो हतियार प्रयोग गरेर उनको हत्या गरेको आशंका […]

जनकपुरधाम । मधेस प्रदेशका मुख्यमन्त्री सतिसकुमार सिंहले आइतबार मुख्यमन्त्रीको कार्यालयसहित ११ वटा मन्त्रालयको छड्के निरीक्षण गरेका छन् । प्रदेश सरकारको कार्यालयमा कर्मचारीहरूको लापरबाही बढेको गुनासो आएपछि मुख्यमन्त्री सिंहले बिहान मुख्यमन्त्रीको कार्यालयसहित ११ वटा मन्त्रालयको अनुगमन गरेका हुन् । निरीक्षण तथा अनुगमनको क्रममा मुख्यमन्त्री सिंहले अधिकांश कर्मचारीहरूमा धेरै लापरबाही रहेको पाइएको बताए । उनले कर्मचारीहरूमा खासगरी […]