विद्यालयमा तोडफोड

न्यूजमधेश समाचारदाता
गौर,१ पुस।प्रदेश २ का रौतहट जिल्लामा एक सामुदायिक विद्यालयमा तोडफोड भएको छ।

रौतहटको गरुडा नगरपालिका वडा नं २ श्री माध्यमिक विद्यालय गेडही गुठ्ठिमा विद्यार्थीहरुद्वारा आइतबार तोडफोड गरेका हुन् ।

विद्यालयले वितरण गर्ने छात्रवृत्तिलगायत आर्थिक हिनामिना गरेको तथा कक्षाको रोल नम्बर तलमाथी गरेको बिषयलाई लिएर आक्रोशित विद्यार्थीहरुले तोडफोड गरेका हुन ।

सात कक्षादेखि नौ कक्षासम्म कक्षा रजिस्ट्रारमा नाम तलमाथी गर्ने गरेको विद्यार्थीहरुले गुनासो छ। साथै समयमा कक्षा शुरु नहुँदा र शिक्षक शिक्षिका कक्षामा समयमा नआउँदा विद्यार्थीहरु मार्कामा परेको विद्यार्थीहरुले बताएका छन् । पढाइ लथालिङ्ग भएको भन्दै आक्रोशित विद्यार्थीले तिड्फोड गरेका हुन ।

त्यस्तै यस आर्थिक वर्ष पनि खाजाको पैसा ,छात्रवृत्तिको पैसा आएको तर अझैसम्म पनि पैसा बितरण गरेको छैन । सोही विद्यालयका प्रध्यनध्यापक रेनु गुप्तालाई समेत विद्यार्थीहरुले घेराउ गरेका थिए ।

विद्यालय ब्यपस्थापन समिति र प्रधानाध्यापक रेनु कुमारी गुप्ताको मिलोमतोमा छात्रवृत्ति लगायतमा आएको रकम बिल भर्पाई गरी पैसा निकालेको प्रमाण आफूहरुसँग रहेको भन्दै विद्यार्थीले आक्रोस पोखेका छन् ।

विद्यालयको कक्षा कोठाको तोडफोडले विद्यालयमा पाँच लाख भन्दा बढी क्षति पुगेको छ । सचेत गराउदा पनि आफुहरुको सुनुवाइ नभएपछि तोडफोड गर्नुपरेको विद्यार्थीहरुको भनाई छ ।