मनोज बनैता, लाहान, २ पुस। कामना सेवा बिकास बैंक लाहान शाखाले बुधबार लाहानमा अन्तरक्रिया तथा चियापान कार्यक्रम गरेको छ । औपचारिक रुपमा शुरु गरेको उक्त कार्यक्रम उधोग बाणिज्य संघ लाहानका अध्यक्ष अशोक अमात्य ले प्रमुख अतिथिको आसन ग्रहण गरेका थिए भने भने विशिष्ट अतिथिको रुपमा लाहान सफटेक कलेज प्रमुख डा. महादेव साह र जे.एस मुरारका क्याम्पस प्रमुख तुलसी पोख्रेल रहेका थिए ।
कार्यक्रममा बोल्दै शाखा प्रमुख सरोज ठाकुरले भने कि यस कार्यक्रमले लाहानका उधोग ब्यवसायी, स्कुल, कलेजका प्रमुखहरूलाई कामना बैंकको मनोबिज्ञान सङ्ग जोडेको छ । आधुनिक बैकिङ्ग सुविधा, प्रर्याप्त पार्किङ्ग सुविधा सहितको भवन र पूर्वाधारले ग्राहकका आवश्यकता अझै सरल र सहज ढङ्गले पुरा हुने विश्वास प्रमुख ठाकुरको रहेको छ ।
कार्यक्रममा दर्जनौ ब्यापारी, नेता, कार्यकर्ता एवं समाजका बुद्धिजीवीहरुको उपस्थिति रहेको थियो । सिरहामा लाहान, मिर्चैया र गोलबजार गरि देशैभरमा कामना सेवा बिकास बैंकको जम्मा १०८ शाखा रहेको जानकारी प्रमुख ठाकुरले दिए ।
