न्यूजमधेश समाचारदाता
जनकपुरधाम, ३ पुस।उच्च अदालत जनकपुरकी न्यायाधिस सकुन्तला घिमिरेको अंगरक्षक प्रहरी जवान रनिता केवटको पेस्तोल लिएर भागेका प्रेमी सिबेन्द्र यादब पक्राउ परेका छन् ।
नवलपरासीको देउडा ६ घर भएका यादबलाई जनकपुरधाम उपमहानगरपालिका १५ बाट पक्राउ गरिएको धनुषा प्रहरीले जनाएको छ । उनले लिएर भागेको पेस्तोल र सात राउण्ड गोली पनि बरामद भएको डिएसपी रामेश्वर कार्कीले जानकारी दिए ।
जनकपुरधाम उपमहानगरपालिका ४ मा डेरा गरी बस्दै आएकी प्रहरी जवान केवटसँग विवाद भएपछि उनका प्रेमी यादब पेस्तोल लिएर भागेका थिए । घटनापछि प्रहरी जवान केवटलाई जिल्ला प्रहरी कार्यालयमा तानिएको छ ।
