न्यूजमधेश समाचारदाता
राजविराज, ५ पुस।जनमत पार्टीको केन्द्रिय अध्यक्ष डा. सिके राउतको प्रमुख अतिथिमा अगामी माघ १८ गते सप्तरीको राजविराजमा आमसभाको आयोजना हुने भएको छ ।
आमसभाकै तयारीका लागी सप्तरीको राजविराज नगरपालिका वडा नम्बर ६ स्थित रहेका जनमत पार्टीकोे कार्यालयमा पार्टीका केन्द्रिय सदस्य तथा सप्तरीे जिल्लाको इन्चार्ज समेत रहेका सुरेन्द्र मधेशीको अध्यक्षतामा ७५ सदस्य समिति निमार्ण गरिएको छ ।
शनिवार आयोजना गरिएको कार्यक्रममा अगामी माघ १८ गते हुन लागेका आमसभा व्यवस्थित तरिकाले सु सम्पन्न गर्नका लागी विभिन्न गाउँपालिका तथा नगरपालिकाका संयोजक सहित वडाहरुको संयोजक समेतलाई विभिन्न जिम्मा दिइएको छ । विभिन्न नगरपालिका तथा गाउँपालिकाबाट करिब १ सय २० जना भन्दा बढी कार्यक्रताहरुको उपस्थिती रहेको थियो ।
कार्यक्रम सञ्चालन शंकर खड्गाले गरे भने स्वागत मन्तव्य बुद्धेश्वर मण्डलले व्यक्त गरे । पार्टीको केन्द्रिय सदस्य सत्यनारायण मण्डलको समेत उपस्थिती रहेको सञ्चारकर्मी कमल कुमार मण्डलले जानकारी दिएका छन् ।
