३१ आषाढ २०८१, सोमबार
15-07-2024 , Mon
×

वस्तु तथा सेवा उपभोक्ता संरक्षण महासंघ नेपालको सिरहा जिल्ला संयोजकमा मो. अदुप

Logo
प्रकाशित आइतबार, पुष ०६, २०७६

मनोज बनैता, सिरहा , ६ पुस । वस्तु तथा सेवा उपभोक्ता संरक्षण महासंघ नेपाल सिरहा जिल्ला संयोजकमा मो. अब्दुल अदुप सर्वसम्मतले चयन भएका छन । सिरहाको गोलबजारमा माटो र आमाको स्वास्थ्य सुधार अभियान भान्सा नै औषधालय विषयक  दुई दिने प्रशिक्षण तथा अधिबेशन शनिबार सम्पन्न भएको हो ।

कार्यक्रममा बोल्दै प्रदेश २ का वन तथा वतावरण मन्त्री राम नरेशराय यादवले हाम्रो मुलुक प्राकृतिक रुपले धनी मुलुक हो यहाँ धेरै प्रकारका जडिबुटी भएकोले जडिबुटी संरक्षण गर्न प्रदेश सरकार किसानहरुका लागी जडिबुटी खेतीमा जोड दिन विभिन्न खालका कार्यक्रमहरुको प्याकेज मन्त्रालयले छिटै ल्याउने घोषणा गरे । साथै उनले माटोको क्षमता बढाउनका लागि रासायनिक मलको प्रयोग निषेध गरि अर्गानिक मलमा जोड दिनु पर्ने आवश्यकता महसुस भएको बताए । माटो जिबनको आधार , वायु प्राण भएकाले माटो र बायुलाई संरक्षण गर्नका लागी एक जनाले कम्तीमा ५ वटा रुख रोप्न उनले सबैमा आग्रह गरे ।

जिल्लाको पहिलो अधिवेशनबाट २१ सदस्य जिल्ला कार्य समिति चयन भएको जानकारी प्राप्त भएको छ । अध्यक्षमा मो. अब्दुल अदुप, उपाध्यक्षमा मेदन प्रसाद साह, संजु देवि दास सचिवमा महेन्द्र पाल, सह सचिवमा उमदा यादव, कोषाध्यक्षमा प्रेमशिला यादव, सहकोषाध्यक्षमा लक्ष्मी साफी गरी २१ जनाको जिल्ला कार्य समिति चयन भएको छ ।

सिरहाका सबै   स्थानीय तहसंग समन्वय गरेर  प्रत्येक घरको भान्सालाई प्राकृतिक औषधालय बनाउनका लागि मापदण्ड  अनुसार १७ वटौ स्थानीय तहको टोल टोलमा  अभियान संचालन गर्ने  आयोजकले जनाएको छ ।   झापा जिल्लाको दमक नगरपालिकाबाट सो अभियानको सुरुवात भएको थियोे ।

वस्तु तथा सेवा उपभोक्ता संरक्षण महासंघ नेपाल जिल्ला संगठन विस्तार कार्यसमिती सिरहाको आयोजनामा भएको कार्यक्रममा  महासंघका केन्द्रिय अध्यक्ष रोमलाल गिरि , प्रदेश अध्यक्ष ईन्द्र पाठक , गोलबजार नगरपालिका मेयर देबनाथ साह, धनगाडिमाई नगरपालिकाका मेयर हरिनारायण चैधरी, सरोकारवाला निकायका प्रतिनिधि लगायत पत्रकारहरुको सभागिता रहेको थियो  ।

 

कमेन्ट गर्नुहोस्
सम्बन्धित

जनकपुरधाम । मधेस प्रदेश सरकारले आगामी आर्थिक वर्षका लागि विनियोजन गरेको बजेटका सम्बन्धमा उठेका सवाल छानबिनका लागि उच्चस्तरीय छानबिन समिति गठन गर्ने निर्णय भएको छ । मधेश प्रदेशसभाको आजको बैठकमा सभामुख रामचन्द्र मण्डलले बजेटका सम्बन्धमा उठेका सवालबारे आवश्यक छानबिन गर्न उच्चस्तरीय समिति गठन गर्ने निर्णय भएको बताए । उनले समितिको जिम्मेवारी निर्धारणका लागि मुख्यमन्त्री सतिशकुमार […]

काठमाडौँ । अविरल वर्षाका कारण देशका विभिन्न स्थानमा आएको बाढीपहिराका कारण हालसम्म एक सय आठ जनाको मृत्यु भएको छ । प्रहरी प्रधान कार्यालयका अनुसार अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढीपहिरालगायत विपद्मा परी आज दिउँसोसम्म एक सय आठ जनाको मृत्यु भएको हो । मृत्यु हुनेमा काठमाडौँ उपत्यकामा दुई जना, कोशी […]

जलेश्वर । आर्थिक अनियमितताको आरोपमा निलम्बनमा परेका महोत्तरी सदरमुकाम जलेश्वर नगरपालिकाका प्रमुख सुरेश साह सोनारले मुद्दामा सफाइ पाएपछि आजदेखि पुनः कार्यभार सम्हालेका छन् । उनीसहित उपप्रमुख रौशन खातुन, वडा नं १ का वडाअध्यक्ष अनिलकुमार झा, कार्यपालिका सदस्य सोगरा खातुन, तत्कालीन प्रमुख प्रशासकीय अधिकृत मित्रलाल ढकाल र अधिकृत धिरेन्द्र झाले पनि सफाइ पाएपछि आजैदेखि कार्यभार सम्हालेका […]