१२ फाल्गुण २०८०, शनिबार
24-02-2024 , Sat
×

प्रदर्शनकारीलाई मोदीको जवाफ: आफ्नै देश जलाउनेहरू अपराधी हुन्

Logo
प्रकाशित आइतबार, पुष ०६, २०७६

काठमाडौ , ६ पुस(एजेन्सी)।भारतीय प्रधानमन्त्री नरेन्द्र मोदीले नागरिकता संशोधन कानुनको विरोधमा भइरहेको प्रदर्शनबारे मुख खोलेका छन् ।

आइतरबार दिल्लीको रामलीला मैदानमा आयोजित र्‍यालीलाई सम्बोधन गर्ने क्रममा मोदीले नागरिकता संशोधन विधेयकलाई लिएर केही मानिसले झुट बोलिरहेको बताएका छन् । साथै उनले विपक्षीमाथि भारतको बदनाम गर्ने षडयन्त्र रचेको आरोप लगाएका छन् ।

‘पछिल्लो ५ वर्षमा सरकारले डेढ करोड विपन्न नागरिकलाई आवासको व्यवस्था गरेको छ, ७० लाख मानिसले आयुष्मान योजनाअन्तर्गत उपचार पाएका छन् । हामीले कसैलाई तिम्रो धर्म के हो भनेर सोधेनौं’, मोदीले भने, ‘तर केही मानिसले किन झुठ बोलिरहेका छन् ? किन देशलाई गुमराहमा राखिरहेका छन् ?’

साथै मोदीले दिल्लीबासीलाई उक्साउने काममा केही स्वार्थी मानिसहरु लागेको भन्दै आक्रोश समेत पोखेका छन् । उच्च स्तरका व्यक्तिहरुले झुठो कुरा गरेर मुस्लिमलाई भ्रमित पार्न खोजेको उनको भनाइ थियो ।

र्‍यालीलाई सम्बोधन गर्दै मोदीले भने- ‘दिल्लीबासीलाई उक्साउने काम भयो र यसका लागि सामाजिक सञ्जाल प्रयोग गरियो । अघिल्लो हप्ता सामाजिक सञ्जालमा भनेका झुठा कुरा, भिडियो, उक्साहटपूर्ण भाषण हेर्दा केही मानिसहरु आफ्नो स्वार्थ र राजनीतिका लागि कुन हदसम्म जान सक्छन् भन्ने देखिन्छ । माथिल्लो स्तरका मानिसहरुले नै सामाजिक सञ्जालमार्फत् भ्रम फैलाएर देशभर आगो लगाउने अपराध गरेका छन् ।’

त्यस्तै मुलुकको समस्या यथास्थितिमा राख्ने आफ्नो संस्कार नभएको पनि मोदीले बताए । ‘लाज पचाएका’ केही मानिसले सुस्त गतिमा काम गर्ने र समस्यालाई यथास्थितिमा नै राख्ने गरेको उनको भनाइ थियो ।

प्रधानमन्त्री मोदीले यसअघिका सरकारले दिल्लीबासीको समस्यालाई कहिल्यै पनि इमान्दारिताका साथ हल नगरेको बताए ।

कमेन्ट गर्नुहोस्
सम्बन्धित

काठमाडौं । जनमत पार्टीका अध्यक्ष डा.सीके राउतले अहिलेको शासन व्यवस्था ल्याउनेहरु नै अहिले डराउन थालेको बताएका छन् । बिहीबार प्रतिनिधिसभाको बैठकमा बोल्दै उनले कोतपर्व, भण्डारखाल पर्वजस्ता हिंसात्मक घटनाबाट प्रधानमन्त्री बनेका जंगबहादुर राणा आफैं सेतो बाघसँग डराएको भन्दै प्रमुख राजनीतिक दलहरु पनि आफैंले ल्याएको शासन व्यवस्थासँग डराएको टिप्पणी गरेका हुन् । ‘जंगबहादुर राणाले रगतको आहलमा खेलेर […]

काठमाडौँ । विश्वभर छरिएर रहेका मधेसीहरूको छाता सङ्गठन गैरआवासीय मधेशी सङ्घ (एनआरएमए) अन्तर्राष्ट्रिय समितिको अध्यक्षमा डा.श्यामबाबु महतो चयन भएका छन्। पाँचौँ महाधिवेशनबाट महतोको अध्यक्षतामा ५४ सदस्यीय अन्तर्राष्ट्रिय कार्यसमिति चयन भएको हो। जनमत पाटीका अध्यक्ष डा.चन्द्रकान्त राउतको प्रमुख आतिथ्यमा सम्पन्न पाँचौँ महाधिवेशनबाट कार्यसमिति चयन गरेको हो । समितिको वरिष्ठ उपाध्यक्षमा ई. विजयकुमार यादव, ई. धिरजकुमार साह, […]

जनकपुरधाम । धनुषाको बिहेद नगरपालिकाका ईन्जिनियर जयनाथ अधिकारी जनमत पार्टी प्रवेश गरेका छन् । बिहीबार जनमत पार्टी जनकपुरधामस्थित रहेको सचिवालयमा ईन्जिनियर अधिकारीलाई पार्टी प्रवेश गराइएको छ। ईन्जिनियर अधिकारीलाई जनमत पार्टीका केन्द्रिय सदस्य तथा धनुषा जिल्ला इन्चार्ज सुरेन्द्र कुमार मण्डलले पार्टीको सदस्यता प्रदान गर्दै उनलाई पार्टीमा भित्र्याएको छ। पार्टी प्रवेश गरेका ईन्जिनियर अधिकारीलाई जनमत पार्टीकी केन्द्रिय […]